طقم دبرياج جديد واااه حسرتاه

[elmo7areb]

الاعضاء المحترمين
مشكلة كبيرة بتواجهني فى العربية نيو اكسنت 2008 عامله 105 الف كيلو
لاحظت ان عزم الماتور قليل وان صوت الماتور بيعلى مع الار بى ام المهم بعد تفكير شوية قلت اغير طقم دبرياج
جبت اسطوانة وديسك وبيلية اصلى ورحت لواحد بتاع عفشة صديق لى دلينى علية المهم فك وركب ودة حوار مدته طويلة المهم ظبطنا الدبرياج على الواطي ودورت وسمعت صوت خبط رحت له فى 5 دقايق دوس دبرياج الاقى الصوت راح ارفع رجلى الصوت يرجع المهم قالى افتكاسه ان الفتيس فية بوش قلت له قبل كدة مكنش الصوت دة موجود ابدا الا بعد ما غيرنا الديسك والاسطوانة والبليه المهم كنا المغرب قالى امشي بيها شوية وهطبع معاك قمت طالع مشوار طويل راس البر ورجعت والنهاردة اليوم الثالث ولسة الصوت موجود

هل يوجد تفسير ؟؟ واعمل اية ؟؟

[mhamdy75]

اولا ده شغل ميكانيكى مش عفشجى

ثانيا روح لميكانيكى نضيف يعيد تركبهم تانى

او يشوف المشكلة فين

[samirayad]

المهم فك وركب ودة حوار مدته طويلة المهم ظبطنا الدبرياج على الواطي ودورت وسمعت صوت خبط رحت له فى 5 دقايق دوس دبرياج الاقى الصوت راح ارفع رجلى الصوت يرجع

غالبا العفشجى عكاك شويتين

وموطيلك دواسة الدبرياج على الرغم أن مكونات دبرياجك الحاليه

ليست فى حاجه لتوطية الدواسه

والصح

الذهاب لميكانيكى وليس عفشجى للتشييك على شغل العفشجى

وفى ذات الوقت لضبط مشوار الدواسه وتعليتها على الوضع الآئق الصح

[mr_astra]

بالفعل لو بتدوس دبرياج الصوت بيروح يبقى الصوت جاى من الفتيس

تحليلى للمشكلة اثناء تسقيط الفتيس عشان تركيب طقم الدبرياج الجديد الزيت قل ولم يعوض الفقد فى الزيت المسكوب نتيجة الفك والتركيب

[elmo7areb]

والله يا جماعة مش عارف اعمل اية بس انا هروح لميكانيكى بكرة من 8 الصبح بس بالنسبة للزيت انا سقطت الزيت القديم وحطيت شل 80/90

بس الاستاذ سمير عندة حق شكلو عفشجي عكاك فعلا والله الواحد متعكنن على الاخر