بروتون جين 2 ولا برسونا ؟؟

[dory52]

اهلا باعضاء المنتدى المتميزين انا بصراحه قريت كتيرمن المواضيع هنا على ال جين 2 وبراصحه العربيه داخله دماغى اوى برغم مشاكل الاعضاء معا التوكيل وانى لقيت حد المواضيع بيتكلم عن قطع الغيار اللى مش موجوده بوفره ؟؟؟؟...ارجو من اهل الخبره مساعدتى فى
1- اجيبها مانيوال ولا اتوماتيك لان فى ناس فى المنتجى بتقولى علشان خاطرى مانيوال وبلااااش اتوماتيك مش عارف بيه ومذكر ش السبب معا انى عاوز اريح نفسى من قرف المانيوال فى مصر الحبيبه؟؟؟؟
2-الوان ايه واجيبها من احسن معرش ايه فى مصر وبسعرها ايه حاليا ؟؟
3- عاوز افهم بقه ايه الفرق بينها وبين بيرسونا هلى فيه فرق اصلا ولا لاء علشان دا فرق 2000 جنيه بينهم ويا ترى الاتنين فيها ABS , EBD

[screamseko]

بص اولا اختيار موفق في كلتا الحالتين
ثانيا المانوال بتاعها تحفه وحتحس بقوة العربيه تحت رجلك وده ميمنعش ان الاوتو بتاعها برضه حلو جداا وسحبه عالي وبتجربة الاعضاء
ثالثا الالوان دلوقتي مبينزلش غير اسود واحمر فاير وفضي وانا عن نفسي بعشق اللون الاحمر بتاعها وياريت تجيبها من الوكيل مباشة وفكك من المعارض وبالنسبه للسعر الجين ب 88900 والبيرسونا ب 89900 فرق 1000 بس دلوقتي لانها غلت
رابعا بقي العربيتين واحد في كل حاجه والفرق الوحيد هي الشنطه لان البيرسونا سيدان والجين تو هاتش باك الي جانب حاجات صغيره كده البيرسونا فيها اشاره في المرايات والجنط مختلف تقريبا والاوتو منها فيها مثبت سرعه
فالاختيار في الاول والاخر يرجعلك لو شاب وعايز تدلع نفسك يبقي جين تو
لو معاك اسره ومحتاج وسع الشنطه يبقي بيرسونا
وفي الحالتين الاتنين روعه ماشاء الله

[TryToDriveSlow]

انا سوقت الجين 2 مره واحده من طنطا>>>>>اسكندريه تحفه في الثبات وكانت اتوماتيك جبت بيها 140 مستريح واكانت متسقطه تحقه بجد وفعلا خليك مع التوكيل بلاش معارض خالص

[sayread]

طيب يا شباب فى مشكله فعلا فى وجود قطع الغيار خارح التوكيل بالنسبه لجين 2

والاسعار هل جيده ولا لا لانى عيز اشتريها وخايف جدا

[waleed_d82]

متابع
وناوي اجيب جين 2 لونها احمر لاني لسة شاب بردة والعربية تحفة وميفرقش معايا مساحة الشنطة اوي بالإضافة الي ان الكراسي الي ورا ممكن تتطبق وتوسع الشنطة وكمان عربية ثابتة ومتورها قوي وكمان بيركب عليها جنط 18 بدون مشاكل يعني عفشة جامدة مع المطبات بتاعتنا
بس سامع ان الموديل الجديد 2013 حيتغيرو الشكل بتاعها فا الموضوع دا قلقني شوية وكمان البريفي لو نزلت بنفس السعر بتاع جين 2 مش حتردد واشتريها