قرار خدته بسرعه ومش عارف صح ولا غلط ارجوكم افيدوني

[Elsebily]

انا امبارح كنت قاعد مع واحد اعرفه في المعرض بتاعه ويعني كان فيه واحد معاه عربيه هيونداي ألنترا واجن 1997 اللي هي هاتش باك دي وكبيره كده ويعني انا كنت بتكلم مع صاحب المعرض اللي هو معرفه بس مش متأكد منه قوي بردو بصراحه المهم يعني كنت بتكلم اني ابيع العربيه بتاعتي وكده لاني محتاج مبلغ 30 الف هعمل بيه حاجات في الشقه عندي المهم يعني بغض النظر عن الكلام اللي دار المهم حصل اتفاق اني اخد العربيه الالنترا دي وادخلها في بتاعتي مقابل 26 الف المهم اني حسبت الاوبترا اللي عندي ب60الف زي ما جبتها لاني بردو مصرفتش عليها حاجه وهو كده حسبلي عربيته ب 34000 ومش عارف هو انا سالت واحد صاحبي قالي العربيه سعرها كده كويس وبصراحه انا بردو كنت مزنوق في ال 26 الف دول فوافقت ويعني اتفقنا انه هيجبلي العقد بكره وشهادة المخالفات والكلام الكتير ده المهم يعني اما رجعت خدتلي كلمتين من السيد الوالد علي اني ملحقتش اقعد بالعربيه بس مش مهم المهم دلوقتي اني حاسس اني قلقان وخايف وقلت استشيركم الغي الموضوع ده ولا مفيش مشاكل وسعرها كده كويس وهي عامة حالتها انا وديتها لواحد هي رشه نضافه بره وفابريقه دواخل ده غير اني الايرباج اللي في الدركسيون ضاربه وصاحبها عملها كده بخيط ولا مش عارف ايه وهي مانيوال وحالتها العامه جيده جدا علي حسب كلام بتاع عفشه ثقه

المهم اني محتاج رأيكم ضروري جدا قبل بكره وارجو من اعضاء مصر موتورز الافاده ورايهم في العربيه دي لاني قلقان جدا

[dego_story]

بص لو حاله العربيه اللى انت اخدتها حلوة وحاسس انها مش هتتعبك فى مصاريف.. وانت محتاج الفلوس خلاص .. اتوكل على الله .. وصلى صلاه استخارة .. وكمل مشوارك وان شاء الله خير..

[Elsebily]

انا فعلا مرتحلها ويعني حجمها كبير وعاجبني لاني بصراحه بحب الاحجام الكبيره بس الفكره انا سالت واحد صاحبي ابوه عنده محل بيع قطع غيار عن قطع غيارها فقالي انها قليله حبتين بس هو هيجبهالي اما الفانوس الخلفي فقالي انه هيتعبني شويه في اني الاقيه وعامة دي صور لعربيه زيها بالظبط للي مش عارفها قوي

[مايكل ذكرى]

العربيه على ما باسمع انها كويسه بس حاجتها عزيزة شويه بس طالما فى واحد صاحبك شغال فى قطع الغيار يبقى مفيش مشكله وربنا يوفقك وتستفيد بالفلوس في توضيب الشقة وفى نفس الوقت معاك عربيه:010104~ 171:

[Emgrand]

الايرباج ضارب ! يعنى عامله حادثه؟ ايه اللى يخيليه يضرب؟
ونفترض انها سليمه اسأل الايرباج بكام لان معظم العربيات بيخشله فى مبلغ محترم لان بيتغير حاجات معاه