الباور كل ماأعمل حاجه تتطلع حاجه تانيه

[retaliation]

السلام عليكم ورحمة الله وبركاته
دلوقتى أنا معايا عربيه كيا سيفيا موديل 99 و كان فيها مشكله فى الباور وروحت لواحد جنبنا هنا على السمعه و الموضوع أنها فى الأول كانت مجرد ماأحط زيت الباور ينزل على من عند الأسكاتره و رحتله و عملها طقم أصلاح و أتكلف 400ج و بعد كده خرجت بالعربيه عادى مفيش مشاكل
و بعديها بحوالى أسبوعين حصل أن لقيت الزيت بينزل تانى رجعلته قالى أن الخرطوم اللى واصل للأسكاتره ضرب و عايز يتغير و يتكبس من جديد و عملته واتكلف 200ج
اللى حصل دلوقتى أنى كنت فى مشوار والعربيه تلتت فببص على الموضوع ده لقيت أن زيت الباور بيطلع من عند الخزنه بتاعته المهم رحتله قالى دى من الطرمبه أنا كنت عارف أن الطرمبه كان فيها مشاكل وهو قايلى أنها ضعيفه و صوتها كان أوى غير الأول كان بيبان الزنه بتاعتها وانا بكسر الدريكسيون بس دلوقتى بقى ظاهر على طول وبيزيد أوى وأنا بكسر و هو كان قالى أنى مش هقدر أقلك على اللى فيها غير لما أحلها وأشوف أذا كان ينفع تتصلح ولا لأ
المهم أنا لسه راجع من عنده وبيقولى أنها مش هتنفع و الطرمبه الأستيراد عنده عامله 350ج لو جديده بتعمل 650ج والمشكله انى مش فاهم حاجه فعايز المشوره
و ملعش طولت عليكم..

[samirayad]

لو عاوز النصيحه العامه

شوف ميكانيكى تانى غير إللى جنبك ده

وخليه يراجعلك صح على دايرة الباور

لأن الراجل إللى جنبك ده هيستنزفك على الفاضى

[retaliation]

الف شكر على النصيحه بس أحنا الحمدلله عملناه و خدت من عنده الطرمبه الأستيراد و خرجت بيها و هى تمام الحمدلله و لسه هروحله هغير الزيت تانى يوم الأثنين وربنا يكرم وأن شاء الله خير
وشكرا على تعبك معايا.