الاسكندريه تغرق فى الزباله ( كله يدخل يشارك )

[YahiaAshraf]

الاسكندريه تغرق فى الزباله
----------------------------------

بسم الله الرحمن الرحيم
----------------------

انا مواطن مصرى و من محافظة الاسكندريه
و مقيم بالاسكندريه


و من كام يوم لاقيت شركات الزباله عامله اضراب

كونت عاوز اصور الزباله بس من بشاعة المنظر مقدرتش اصور

اقسم بالله اقسم بالله اقسم بالله

الزباله فى منطقه محرم بك

بالنسبه للترام

واخده اكتر من نصف رصيف المشاه
و واخده نصف الطريق بتاع الترام

وواصله لغايه القضبان كمان
و مش زباله خفيفه

دى جبال

اقسم بالله منظر يخوف

مفيش مكان فى اسكندريه الا و صندوق الزباله حوله جبال زباله

و قال صاحب مكتبة دار البيان ( لو الزباله دى متلمتش انا هولع فى ام الزباله دى)

و عنده حق

شوف صندوق الزباله فين و الزباله بتدخل المكتبة بتاعته

غير كلام ناس كتير كتير كتير


فيييييييييييييييييييييين الحكومه

يجد حاجه قرف


احنا قاعدين فين نفسى افهم


ده مفيش اى وسائل اعلام اتكلمت عن الخبر ده


علشان كده انا بقى اللى هتكلم


و انا كعضو بمنتدى مصر موتورز

و صاحب الخبر ده


اوجه و من مكانى ده

الخبر للوزير و رئيس الوزراء و كل واحد مسئول


و ارجو من وسائل الاعلام او الصحف و المجلات

انها تنشر الخبر ده


لان لو مفيش حد اهتم

اسكندريه هتخرب من اولها لاخرها

و اكيد كل الاخوه الاسكندرانيه شايفين الموضوع ده

ارجو ان يتدخل الجميع فى حل الازمه

من كافة الجهات




و شكرا

ANAA 7TGA NAA7TGANAA7 TGAN AA7TGANAA7T G

[ronaldo_real]

احنا كان عندنا نفس الموضوع ده فى البحيره بس الحمدلله ربنا هداهم و ربنا يكون فى عونكم طبعا وسائل الاعلام و لا كأن فى حاجه و النواب مش فاضيين غير لتأييد الشاطر و محاربه عمر سليمان و الله دى أمانه عليهم و ربنا ح يسألهم عليها يوم القيامه اتقوا الله حسبى الله و نعم الوكيل هل هو ده الاسلام مش فى فقه اسمه فقه الاولويات طبعا هما بيتكلموا باسم الدين و هما أكتر ناس بعدا عن الدين للأسف لأن اللى بيستغل الدين فى السياسه و السياسه بالذات حسابه عظيم حسبى الله و نعم الوكيل و ربنا يكون فى عونكم

[نبيل عبدالرحمن]

عندك حق يا أستاذ يحيى
بس الحكاية إن عمال النظافة التابعين لشركة تابعة لمجموعة المقاولون العرب عثمان أحمد عثمان قاموا بعمل إضراب عن العمل مدته يومين تراكمت فى خلال هذين اليومين أكثر من 40 طن من القمامة فى أنحاء المدينة ولم تستطع جهود سيارات المحافظة أن تجمع هذه الأطنان ، وطالب المضربون الجلوس مع أسامه الفولى محافظ الإسكندرية لحل مشاكلهم وصرف مرتباتهم وإتضح أن المقاولون العرب تطلب مبلغ 11 مليون جنيه شهرياً لجمع القمامة ، فى حين أن المبلغ المتاح من خلال فواتير الكهرباء هو 4 مليون جنيه فقط فأصبح هناك عجز يبلغ 7 مليون جنيه كل شهر ، وقد وعد السيد المحافظ بتدبير هذا الفرق وأمر بصرف أجور العمال فوراً وأمر أيضاً بزيادة رواتبهم بنسبة 30% وإستجاب لمطالبهم المتمثلة فى الرعاية الصحية وخلافه ، وبالفعل أنهى العمال إضرابهم وبدأت حملات مكثفة لجمع جبال القمامة بحيث تبدو المدينة فى أبهى صورة لها فى أعياد الربيع

[Neo206]

يا رب أصلح حال بلدى
أنا برده أسكندرانى و حزين على المناظر الى بنشوفها
و البلعات الى بتتسرق من شوارع رئيسة فى محرم بك
فين الامن فين المحافظة

[Muhammad A]

المشاركة الأصلية كتبت بواسطة نبيل عبدالرحمن عندك حق يا أستاذ يحيى بس الحكاية إن عمال النظافة التابعين لشركة تابعة لمجموعة المقاولون العرب عثمان أحمد عثمان قاموا بعمل إضراب عن العمل مدته يومين تراكمت فى خلال هذين اليومين أكثر من 40 طن من القمامة فى أنحاء المدينة ولم تستطع جهود سيارات المحافظة أن تجمع هذه الأطنان ، وطالب المضربون الجلوس مع أسامه الفولى محافظ الإسكندرية لحل مشاكلهم وصرف مرتباتهم وإتضح أن المقاولون العرب تطلب مبلغ 11 مليون جنيه شهرياً لجمع القمامة ، فى حين أن المبلغ المتاح من خلال فواتير الكهرباء هو 4 مليون جنيه فقط فأصبح هناك عجز يبلغ 7 مليون جنيه كل شهر ، وقد وعد السيد المحافظ بتدبير هذا الفرق وأمر بصرف أجور العمال فوراً وأمر أيضاً بزيادة رواتبهم بنسبة 30% وإستجاب لمطالبهم المتمثلة فى الرعاية الصحية وخلافه ، وبالفعل أنهى العمال إضرابهم وبدأت حملات مكثفة لجمع جبال القمامة بحيث تبدو المدينة فى أبهى صورة لها فى أعياد الربيع

الله ينور عليك والله
بس علي فكره ان شايف عربيات المقاولون العرب النهارده
بينضفو وكانو شاغلين علي استنلي الصبح