ساحب جنزير تحت العربيه مش عارف جاى منين

[casper__007]

معلش ياجماعه على رأس الموضوع
بس هو فعلا ده اللى بسمعه
انى ساحب جنزير او سلسله حديد تحت العربيه

نبتدى المشكله من الاول ...
عربيتى النترا 2008 مانيوال غيرتلها ديسك واسطوانه وبليه اورجينال تمنهم 750 جنيه بعد ما الحاج والدى مشى بالعربيه والبليه انكسرت
المهم بعد التركيب علطول وانا ماشى من عند الميكانيكى وبعد حوالى 5 كيلو سمعت الصوت ده وقفت على جنب علشان اشوف ايه اللى شابك تحت فى العربيه
تتوقع الاقى ايــــــــــــــــــــــه ؟؟؟
ملقيتش اى حاجه ... قولت ديه تهيؤات
كملت مشى بالعربيه بعدها بيوم سمعت نفس الصوت .. قولت لا بقى مش كده ديه بقى مش تهيؤات
روحت للميكانيكى وطلع جرب معايا الصوت ظهر بعد ما مشينا حوالى 5 دقايق
بس الصوت ده مش بيطول يعنى مثلا ممكن ميأخدش 20 ثانيه وبعدين يروح ومش على غيار معين يعنى ظهر مرة على الثالث ومرة على الخامس ومرة على الاول
البيه الميكانيكى بيقولى ممكن يكون المارش فيه حاجه وانا بصراحه مش مصدقه
ياترى ممكن يبقى ايه ؟؟؟

[crime]

المشاركة الأصلية كتبت بواسطة casper__007 معلش ياجماعه على رأس الموضوع بس هو فعلا ده اللى بسمعه انى ساحب جنزير او سلسله حديد تحت العربيه نبتدى المشكله من الاول ... عربيتى النترا 2008 مانيوال غيرتلها ديسك واسطوانه وبليه اورجينال تمنهم 750 جنيه بعد ما الحاج والدى مشى بالعربيه والبليه انكسرت المهم بعد التركيب علطول وانا ماشى من عند الميكانيكى وبعد حوالى 5 كيلو سمعت الصوت ده وقفت على جنب علشان اشوف ايه اللى شابك تحت فى العربيه تتوقع الاقى ايــــــــــــــــــــــه ؟؟؟ ملقيتش اى حاجه ... قولت ديه تهيؤات كملت مشى بالعربيه بعدها بيوم سمعت نفس الصوت .. قولت لا بقى مش كده ديه بقى مش تهيؤات روحت للميكانيكى وطلع جرب معايا الصوت ظهر بعد ما مشينا حوالى 5 دقايق بس الصوت ده مش بيطول يعنى مثلا ممكن ميأخدش 20 ثانيه وبعدين يروح ومش على غيار معين يعنى ظهر مرة على الثالث ومرة على الخامس ومرة على الاول البيه الميكانيكى بيقولى ممكن يكون المارش فيه حاجه وانا بصراحه مش مصدقه ياترى ممكن يبقى ايه ؟؟؟

تعالى ياباشا رفنى ف المركز وان شاء الله بسيطه

تقبل تحياتى

[samirayad]

غالبا فيه مشكله فى فورش الدبرياج

وهتحتاج فعلا

لإعادة الكشف على الدبرياج وبلية عمود الدريك

وغالبا برضه

أنتم عالجتم المشكله الأولى

عند ميكانيكى على أده شويه

ويفضل عدم التعامل مع هذا الميكانيكى فى المره القادمه

تشوف غيره أفضل

[casper__007]

المشاركة الأصلية كتبت بواسطة crime تعالى ياباشا رفنى ف المركز وان شاء الله بسيطه تقبل تحياتى

والله ياباشا كان نفسى اتشرف بحضرتك واجيلك بس من الواضح ان حضرتك من القاهرة وانا من طنطا
ومش عاوز اطلع بالعربيه بره طنطا علشان مقلق عليها

[casper__007]

المشاركة الأصلية كتبت بواسطة samirayad غالبا فيه مشكله فى فورش الدبرياج وهتحتاج فعلا لإعادة الكشف على الدبرياج وبلية عمود الدريك وغالبا برضه أنتم عالجتم المشكله الأولى عند ميكانيكى على أده شويه ويفضل عدم التعامل مع هذا الميكانيكى فى المره القادمه تشوف غيره أفضل

والله ياباشا انا معلوماتى عن العربيه على قد حالها فا ممكن اكون مش عارف اشرحلك المشكله بالظبط ايه
بس الصوت مش بيظهر علطول بمعنى انى ممكن امشى نص ساعه مسمعوش وبعدين اسمعه كده حوالى 10 او 15 ثانيه ومش بيبقى عالى اوى
ممكن بيبقى عامل زى رفرفه كيس او ورقه جوة العربيه وانت فاتح الازاز وماشى على السريع والهواء بيدخل العربيه بيحركها
ياريت تكون فهمتنى