نصيحة من اهل الخبرة فى الفليشيا

[omar-ner]

انا محتاج عربية فيها تكييف و معروض عليا سكودا 97 بدون تكييف - انا بدور على سكودا اصلا - و قريت هنا فى المنتدى عن Diavia Egypt لتركيب التكييف ة السؤال هو :-
1- هل تنصحون فى الاساس بتركيب تكييف لهذا الموديل من الفليشيا ؟؟
2- اية عيوب تركيب تكييف للفيليشا ؟
3- هل Diavia Egypt اللى فى الدقى كويس لحاجة ذى كده بحيث تلافى العيوب المتوقعة و لا مش هتفرق كتير ؟؟؟

ارجو الرد بسرعة قدر الامكان

[akerima]

لو حضرتك بتتكلم علي الفليشا يبقي بلاش لان الفليشيا اصلا فيها مشكلة سخونة والتكييف بيسخن الماتور ازيد فمن الاحسن انك متركبش تكييف وخصوصا لو بتمشي في اماكن زحمة

[omar-ner]

المشاركة الأصلية كتبت بواسطة akerima لو حضرتك بتتكلم علي الفليشا يبقي بلاش لان الفليشيا اصلا فيها مشكلة سخونة والتكييف بيسخن الماتور ازيد فمن الاحسن انك متركبش تكييف وخصوصا لو بتمشي في اماكن زحمة

بس مش كل الناس بتشتكى من ده و بالذات الناس اللى مش بتلعب و تغير فى عربيتها
عموما انا متشكر جدا على الرد و منتظر اى حد من الاخوة الافاضل يكمل كلام معانا

[Hisham.Elgazzar]

السكودا سيئة جدا فى التكييف من وجهة نظرى
لو عاوز حاجة قريبة
أكسنت 2000-2003-2004
كامله وبالتكييف وبلاش السكودا
إبن عمى كان جايبها فبريكة اول يد
وركبلها تكييف وبعدها على طول باعها برخص التراب
وربنا يوفقك بإذن الله

[islam1984]

فى الاول احب اشكركم على التعاون الجميل ده
انا لسة شارى اسكودا فليشيا موديل 95 حالتها كويسه بس وانا بشتريها صاحبها قالى انها فيها شرخ بسيط فى حاجة اسمها قصعة الفتيس ولو اتعملت بلحام حديد او حتى اتغيرت مش هاتكلفنى اكتر من 100 جنيه وعلى اساس ده اشتريت العربية وروحت للميكانيكى عملها بلحام حديد بس لسة بتجيب زيت من الفتيس لو عايز اغيرها تكلفنى كام ولو مشيت عليها كده غلط وهو فعلا كل السكودا كده عشان واطية اوى من قدام وهل العاليات تاثر على العربية فى حاجة ارجو النصيحة ولو فى حد كويس ممكن اعرف مكانه