|
|||||||
| جسم و هيكل السيارة الموضوعات الخاصة بصيانة جسم و هيكل و زجاج و حليات السيارة |
 |
|
|
أدوات الموضوع |
|
|||||||
| جسم و هيكل السيارة الموضوعات الخاصة بصيانة جسم و هيكل و زجاج و حليات السيارة |
|
|
|
أدوات الموضوع |
|
#1
24-03-2012, 02:15 AM
|
|||
|
|||
لخبراء السمكرة الباب د ينفع يتسمكر ولا عاوز باب جديد
عربيتي الجديده السيراتو 2012 اللي كنت ناوي اعمل عنها تقرير مصور مالحقتش اعمل حاجة و اتخبطت
ما لحقتش حتي اتهنا بيها المهم اللي حصل ان انا كنت واقف جنب الرصيف و وواقف جنبي ميكروباص علي شمالي في موقف احنا الاتنين واقفين و الناس اللي معايا بتنزل و فاتحين الابواب و منها الباب الشمال اللي ورايا ناحية الميكروباص و فجاة الميكروباص بدا يتحرك و زنق الباب قلت له حاسب حاسب ... وقف و بعدين بقوله ارجع ورا علشان الباب . لقيته فجاة العربية بتاعته نطت قدام و في نطته دي عجن الباب بتاعي اللي كان مزنوق اصلا تقريبا و الله اعلم جه يعشق مارش عشق معاه الرابع و الله اعلم . المهم الباب اتفتح حوالي تسعين درجة لغاية ما الحديده اللي بتمسك الباب اتقطمت و سوكة الباب اللي قدام هيه اللي طبقت اللي ورا ما علينا المهم محدش بيتعلم ببلاش بس مش عارف اوصف لكم حرقة الدم و حرقة القلب علي العربية اللي خارجة من اسبوعين من التوكيل المهم اولا نصيحة لاي حد اوعي تفتح الباب الشمال لاي سبب ايا كان الوضع حتي لو واقف في موقف اللي عاجبه ينزل من اليمين اهلا و سهلا اللي مش عاجبه يخليه راكب احسن ثانيا عاوز راي الخبراء في الباب ينفع يتصلح و يترد علما بانه في منطقة رخمه جدا و لا العوض علي الله باب جديد و اسيبكم مع الصور و الخسائر http://www.mediafire.com/?12htp7etls...p1h2c1xbsyn70n اسف لاني مش عارف انزل الصور غير بالطريقة دي
__________________
 My Dream 
|
|
#2
24-03-2012, 03:19 AM
|
|||
|
|||
|
رد: لخبراء السمكرة الباب د ينفع يتسمكر ولا عاوز باب جديد
بسيطة يباشا وهى دى خبطة تغير شانها باب كامل !! احمد ربنا على كده والحمد لله انها جت سليمة شوفلك بس سمكرى بيفهم عشان ماتضرش ترش الباب وتترد الخبطة على البارد بأفضل شكل ممكن والمفصلة ساهلة تتغير مافيش مشكلة بس المهم الصنايعى المحترم ويكون خايف على مصلحتك مش مجرد صلح وأقلب
|
|
#3
24-03-2012, 03:54 AM
|
|||
|
|||
|
رد: لخبراء السمكرة الباب د ينفع يتسمكر ولا عاوز باب جديد
باذن الله بسيطه وقدر الله وما شاء فعل وحاول تردها على البارد وباذن الله ترجع زى ما كانت وملوش لزمه ان حضرتك تغيير الباب كله
|
|
#4
24-03-2012, 05:33 AM
|
|||
|
|||
|
رد: لخبراء السمكرة الباب د ينفع يتسمكر ولا عاوز باب جديد
مش مستاهله تغيير باب ولا حاجه بسيطه بس للاسف مش هتيجي علي البارد عشان السمكري مش هيعرف يدخل للحته دي عشان العظم فهتضطر يسخن عشان يعرف يرده وبكده هترش الباب وقدر الله ماشاء فعل
|
|
#5
24-03-2012, 05:55 AM
|
|||
|
|||
رد: لخبراء السمكرة الباب د ينفع يتسمكر ولا عاوز باب جديد
الحمد لله علي كل حال و كويس انها جت علي كده طمنتوني الله يطمنكم وفي الاول و الاخر قدر الله و ما شاء فعل راي حضراتكم اشوف التوكيل ولا اصلح بره مع العلم باني في بلد غريبه و معرفش حد كويس او صنايعي نضيف و شكرا لتعبكم معايا
__________________
My Dream
|
|
|
|
