عايز انقل رخصة العربية باسمى

[حمادة ونور]

انا عايز انقل رخصة العربية باسمى بس المشكلة ان فى واحد قالى ان انا قبل ما انقل الرخصة لازم اظبط الخبطات بتاعت العربية ومش عارف اعمل ايه علشان التجديد فى شهر 4 الجاى

[mr_astra]

الموضوع متوقف على مدى الخبطات اللى فى جسم السيارة

[a_e]

بص ياباشا هو قصده امن ومتانه
لو فنوس متكسر ركب بداله
لو خبطه جامده خلى السمكرى يردها وكده
اما الحاجات البسيطه زاى الخرابيش والتجاريح البسيطه فمش مهم
لان الموظف بياكل وبيعدى ... المعقول طبعا

اما بالنسبه لاجراءات نقل الملكيه باسمك لاستخراج رخصه باسمك :
اولا / من المرور اللى العربيه مسجله فيه :-
- شهادة مخالفة حديثه .
- سداد الضريبه المقرره على السيارة .
- سداد التأمين الاجبارى بأسمك .
- رخصه ساريه او شهادة بيانات .
ثانيا / من الشهر العقارى :-
- عقد بيع مسجل باسمك .
ثالثا / من المرور اللى انت تبعه :-
- الطفايه وشنطة الاسعافات .
- ملف تسجيل سياره وتحط كل الورق فيه .
- ورق الفحص .
- تقف فى الدور للفحص هياخد رقم الماتور والشاسيه والطفايه وعشرين جنيه رشوه وبعدين هيكتب فى دهر ورق الفحص استعلام عن بصمة ماتور وشاسيه تروح للظابط يختم وتروح على المرور اللى العربيه مسجله فيه هيطلع الملف وهيكتبلك بأذن الله مطابق ويمضى وتروح للضابط تختم وبعدين تاخد الورق وترجع للمرور اللى تبعك واللى هتسجل فيه العربيه باسمك .
كله تمام هااااااااا
- تروح على الشباك تدفع 120 تأمين لوحات وتروح لشباك استلام وصرف اللوحات تديله اللوحات القديمه وتاخد الجديده تركبها .
- تستنى بقى ياحلو اسمك يتنده علشان تاخد تصريح تمشى بيه لغاية ما الملف يضم للمرور الجديد ولما يضم وفترة التصريح تخلص تروح تستلم الرخصه علطول زاى الباشا وتهرب من المرور بسرعه ليندهوا عليك ويقولوا لآ ناقص حاجه

هههههههههههههههههههه
حفله بنت تيت

وانا اسف على الاطاله بس حبيت اوضحلك كل حاجه علشان يبقى عارف الدنيا هتمشى ازاى معاك
سلام

[ايمن عبدالحميد]

بعد الشكر للتفاصيل التى ذكرها الزميل الفاضل اود اضافة شىء بسيط وهو :
ان حضرتك هترتب الاجراءات ضمانا للسرعة
1- تاخد الرخصة والتوكيل وتروح الشهر العقارى تسجل لنفسك
2-تاخد العقد المسجل والتوكيل والرخصة وتروح مرور العربية تطلب شهادة بيانات (لنقل القيد ، والملكية) اسمها كدة وطبعاً مش هتتعمل غير بعد ما تعمل شهادة المخالفات وهيدولك البيانات مكتوب فيها غير مطالب بشهادة براءة الذمة ومطالب بتسليم اللوحات المعدنية(ولو العربية نمر جديدة يبقى هتجيب برائة ذمة للنمر القديمة كمان
3- تقدم كل الورق دة فى مرورك (وتجهز 3 صور معاك من كل حاجة والبطاقة وكلة وتطلب فتح ملف للعربية هيفتحولك ملف جديد ويرفعوا بصمة الموتور والشاسية
4- تاخد اورنيك الفحص ترجع بية مرور العربية يختمة بعد ما يكتب البيانات مطابقة
5 ترجع مرورك تقدم اورنيك الفحص وتعرض العربية على البية الظابط والبية المهندس هيخلوك تجيب طفاية ومثلث وشنطة اسعاف وطبعا بعد الموظف ما يدفعك كل حاجة وبعد ماتشترى وثيقة تأمين
5- هيفحصوا ويكتبولك حالة جيدة تدخل تستلم رخصة كاملة وليس تصريح لية بقة؟ علشان معاك شهادة بيانات لنقل القيد والملكية واذا عطولك تصريح مؤقت هيكون لسبب واحد وهو لحين ورود استعلام مباحث مكافحة سرقة السيارات وهيكون تصريح بمدة 3 شهور ، طبعا تروح بعد 3 اسابيع هتلاقى الاستعلام وصل يدولك رخصة كاملة وربنا معاك
اضافة بسيطة بس طلعت طويلة قوى ههههههههههههههههههههههههه هههه

[a_e]

المشاركة الأصلية كتبت بواسطة ايمن عبدالحميد بعد الشكر للتفاصيل التى ذكرها الزميل الفاضل اود اضافة شىء بسيط وهو : ان حضرتك هترتب الاجراءات ضمانا للسرعة 1- تاخد الرخصة والتوكيل وتروح الشهر العقارى تسجل لنفسك 2-تاخد العقد المسجل والتوكيل والرخصة وتروح مرور العربية تطلب شهادة بيانات (لنقل القيد ، والملكية) اسمها كدة وطبعاً مش هتتعمل غير بعد ما تعمل شهادة المخالفات وهيدولك البيانات مكتوب فيها غير مطالب بشهادة براءة الذمة ومطالب بتسليم اللوحات المعدنية(ولو العربية نمر جديدة يبقى هتجيب برائة ذمة للنمر القديمة كمان 3- تقدم كل الورق دة فى مرورك (وتجهز 3 صور معاك من كل حاجة والبطاقة وكلة وتطلب فتح ملف للعربية هيفتحولك ملف جديد ويرفعوا بصمة الموتور والشاسية 4- تاخد اورنيك الفحص ترجع بية مرور العربية يختمة بعد ما يكتب البيانات مطابقة 5 ترجع مرورك تقدم اورنيك الفحص وتعرض العربية على البية الظابط والبية المهندس هيخلوك تجيب طفاية ومثلث وشنطة اسعاف وطبعا بعد الموظف ما يدفعك كل حاجة وبعد ماتشترى وثيقة تأمين 5- هيفحصوا ويكتبولك حالة جيدة تدخل تستلم رخصة كاملة وليس تصريح لية بقة؟ علشان معاك شهادة بيانات لنقل القيد والملكية واذا عطولك تصريح مؤقت هيكون لسبب واحد وهو لحين ورود استعلام مباحث مكافحة سرقة السيارات وهيكون تصريح بمدة 3 شهور ، طبعا تروح بعد 3 اسابيع هتلاقى الاستعلام وصل يدولك رخصة كاملة وربنا معاك اضافة بسيطة بس طلعت طويلة قوى ههههههههههههههههههههههههه هههه

شكرا ليك ايمن بك على الاضافه
ولكن
انا كمان عندى اضافه بسيطه
ههههههههههههههههههههههههه هههههه
بالنسبه لاستعلام مباحث مكافحة سرقة السيارات
ده بيطلع علطول من المرور اللى هيتنقل له العربيه وبياخد حوالى ربع او نصف ساعه حسب الموظف
وهنا لو تلاحظ الرخصه ساريه فمش هيحتاج شهادة بيانات
وبرده هيدوله تصريح مؤقت لحين ضم الملف الخاص بالسيارة مش رخصه
الا اذا زبط بتوع المرور القديم وخد معاه المندوب بالملف للمرور الجديد هنا بس هياخد الرخصه بعد اسبوعين او فى الحال حسب ظروفه معاهم
اما غير كده فمظنش وده عن اكثر من تجربه فى اكثر من مرور بما فيهم اقاليم
ولك بالغ تحياتى وفائق احترامى