ريحة شياط معفن على 140K/m

[neou]

ازيكم يارجالة....
زي عنوان الموضوع باظبط وانا ماشي من يومين على البحر كانت الساعة 1:45 AM فكان الطريق مغري للجري بصراحة فقدرت اني اجيب 140 من سيدي جابر وحتى الشاطبي ...المهم
بعد العربية معدت 120 شميت ريحة غريبة (شياط) بس مش شياط بلاستيك دة معروف .
الريحة كانت غريبة اول مرة اشمها ومش ريحة التيل المحروق لأنى عارف ريحة التيل (كبريت على ما اعتقد) الريحة اللي شمتها مش عارف ليها وصف غير اللي انا قلته (شياط معفن) وغذرا على التوصيف لاني مش لاقي غيره ............ولكن لما هديت السرعة الريحة اختفت ولما طلعت بالعربية تاني يوم مكنش في ريحة على السرعات العادية اقل من 100...
سؤالي يا رجالة اية الريحة دي؟؟؟ وهل في مشكلة؟؟عشان الموضوع ميكبرش

ما تبخلوش علينا بردودكم ونصائحكم يارجالة خصوصاً المهندس سمير جزاه الله كل خير على مجهوده في المنتدي التعليمي كل الشكر والتقدير على جهودك

[screamseko]

الريحه دي عند والدي في ال125 لما باخدها وبقرص عليها لان والدي مش من انصار الجري او بيجري لما انا مكنش معاه :D
المهم الريحه دي تقريبا ريحة عادم من الفرن بيدخل من فتحات في الدواسات تقريبا والله اعلم
بس لو حاجه تانيه يبقي انا مش عارفها لان الريحه فعلا بتكون مستفزه
بس مش موجوده عندي في 127

[gorge]

انا كمان عندى الريحة دى فى 125 بس بشمها اول مابطلع على السريع و ابدا اجرى بس بتقى شوية بتاع 5 دقايق وتروح ولما سالت واحد قالى علشان بتقرص بالعربية ودى ريحت الاسطوانة وواحد قالى ممكن علشان العربية بتاعتك بتبقى مركونة فترات طويلة بين الطالعة والتانية بس بعد ماغسلة الماتور الريحة اختفت فجرب كدة اغسل الماتور وشوف

[smsm_hamada]

روح لحد بتاع شكمانات ممكن يكون فيه خرم صغير بيرمى العادم جوه الصالون ومش بتشم الريحه غير مع السرعه كنت بعانى من المشكله دى

[احمد على 1999]

اتأكد ان مفيش حاجة لازقة على الشاكمان من اول الفرن لغاية ورا
و اتاكد ان الشنطة مقفولة كويس و ان الكاوتش العازل بتاعها سليم