استفسار بخصوصة عوامة بنزين عربية 128

[yasser.omar]

السلام عليكم
انا عندى استفسار بخصوص عوامة بنزين 128 انا اشتريت واحد جديدة ولما ركبتها وشغلت العربة لقيت مؤشر البنزين اتحرك على الــ FULL المشكلة بقى انها فضلت ثابتة على الوضع ده ولما بقفل الكونتاك بترجع لوضعها الاصلى ZERO المهم رفعتها من التانك وجربتها بره لقيتها شغالة تمام ارفع دراع العوامة المؤشر يرفع معايا انزل الدراع يتزل معايا وجربت الموضوع ده كذا مرة وشغالة تمام بس برة التانك وتوصيلات الاسلاك بتاعتها تمام
هل من الممكن ان التانك يكون فيه حاجة بتوقف العوامة ومتخلهاش تنزل لما البنزين ينقص ولا حاجة غير كده ومعلش لو من التانك ايه الحل ؟
وعلى فكرة دى عوامة 128 مش حاجة تانية

[mr_astra]

هل من الممكن ان التانك يكون فيه حاجة بتوقف العوامة ومتخلهاش تنزل لما البنزين ينقص

بالظبط كدة طالما العوامة بتدى معاك قرات مختلفة مع حركة دراع العوامة يبقى وهى راكبة جوة التنك فى حاجة بتعوق حركتها .............حاول تتنى الدراع يمين او شمال بهدوء وجرب

[Hisham.Elgazzar]

فيه غلطه فى التوصيل بدليل انها لما بتبقى بره التانك بتبقى مش متوصلة على الأرضى فبتقرأ صح انما لما بتتوصل فى التانك بتبقى متوصلة بالأرضى فبتخلى المؤشر يرفع للآخر
برجاء التوجه إلى كهرباءى متمكن لأن العوامة عوامة تنك البنزين والموضوع ما ينفعش فيه توصيل غير سليم

[yasser.omar]

المشاركة الأصلية كتبت بواسطة Hisham.Elgazzar فيه غلطه فى التوصيل بدليل انها لما بتبقى بره التانك بتبقى مش متوصلة على الأرضى فبتقرأ صح انما لما بتتوصل فى التانك بتبقى متوصلة بالأرضى فبتخلى المؤشر يرفع للآخر برجاء التوجه إلى كهرباءى متمكن لأن العوامة عوامة تنك البنزين والموضوع ما ينفعش فيه توصيل غير سليم

شكرا لرد حضرتك بس على فكرة انا لما بجربها برة التانك بوصل الارضى ولا مكنتش هعرف اذا كانت سليمة ولا لأ

[محمد صالح - المحامى]

العيب دة حصل معايا
لان العوامات الجديدة اتجاها غير الاصلية
التجار عديمى الضمير بيستوردوها من الصين وبيكتبوا عليها ايطالى وتركى
++++++++++++++
الحل
=====
هتفك العوامة وتدخل ايدك جوة التانك وتحس هتلاقى فى حاجز موجود
هو دة الى بيعيق حركة دراع البالونة
حاول تعدل اتجاة حركة دراع البالونة انه يتحرك بحرية بعيد عن الحاجز دة
وخلى بالك احسن تبوظ العوامة خالص .
ومن الافضل انك تكون مالى التنك على الاخر وتوصل السلكتين بتوع الكهربا
وتنزل العوامة وتسيب مكان لصابع واحد من ايدك ترفع وتنزل البالومة وتشوف المؤشر
بيتحرك والبالونة بتتحرك بحرية ولا لا
========================: 286:
وان شاء الله العوامة تقرا معاك بعد كدا تمام