تجربتي بعد شراء الصاعق TW.09 التليسكوب

[TELEBK]

السلام عليكم ورحمة الله وبركاته
طبعا كلنا عارفين القلق إللي في البلد اليومين دول ، والأمر مايخلاش من مخاوف البلطجه والتحرش ، وخصوصا إن الواحد بيبقي ماشي بالعربية ومعاه المدام والأولاد ، وبيدعي ربنا يكفيه شر الطريق .
المهم بعد القلق إللي الواحد بيمر بيه أقعدت أفكر إيه ممكن يبقي معايا في العربية من باب الإحتياط وربنا يستر وماأستخدموش ، وإنحصر تفكيري ومقارنتي في حاجتين مسدس الصوت ، والصاعق الكهربي ، وكان مسدس الصوت أقرب لتفكيري بس تمنه كان غالي يعني 1300 : 1700 جنيه ، وفي الظروف المادية إللي إحنا فيها اليومين دول المبلغ ده مش قليل ، وبعدين ده صوت مش حقيقي والبلطجي بيعرفه علي طول من شكلة ، فإتجه تفكيري للإختيار التاني وهوه الإليكتريك شوك ، وقعدت أدور وأبحث علي الإنترنت وشفت موديلات كتير والأعضاء إللي عارضين لحد ما رسيت علي الصاعق التيسكوب TW.09 ، وهوه بيكون مقفول 20 سم ومفتوح 60 سم ، والمهم توكلت علي الله وإشتريته ب 225 جنيه ، وجربته .
وديه ملاحظاتي عليه :
1 - صوته عالي جدا ، يقلق ويخوف إللي قدامك ، تحس بالفعل إنه سلاح مش هزار ، عامل زي سلاح " حرب النجوم " بس حقيقي .
2 - الكشاف بتاعة قوي جدا جدا ، ولما يتسلط في العين مابتشوفش حاجه خالص .
3 - السارينه بتاعته مشكله ، عاليه قوي ، بتصفر الودن وتخليك منزعج .
4 - وزنه مش كبير 750 جرام ، مش تقيل ومش خفيف ، يعني تقدر تملكه كويس .
5 - الجسم كله إستانلس فبيكهرب جامد ومستحيل حد يعرف ياخده منك .
6 - أنا جربته علي نفس وكان غصب عني لمسته بإيدي الشمال ، إتنطرت وإيدي نملت ربع ساعة .
7 - قوته 800 ك فولت ، يعني 80000 فولت ، وديه قوه مايستهانش بيها .
8 - ممكن يكهرب من فوق الهدوم وكهربة شديده .
يعني في المجمل هوه سلاح تقدر تشيله معاك في العربيه للحماية ، وأنا كنت سألت ظابط علي قانونيته ، فقالي طالما هوه في عربيتك ومش بتستعمله في أذي أي حد بس للدفاع عن النفس فمحدش حيتكلم معاك ، وطبعا بيبقي باين علي حضرتك إنك شخص محترم مش بتاع مشاكل .
ربنا يستر علي الكل ، ومانحتاجش إننا نستعمل الحاجات ديه ، ويعدي الفتره ديه علي خير .
وديه شوية فيديوهات عن الصاعق

http://www.youtube.com/watch?v=ATGThGhYWUE

وده فيديو تاني

http://www.youtube.com/watch?v=3nxXP...eature=related

وده فيديو ثالث
http://www.youtube.com/watch?feature...598Gf3KG8&NR=1
وده فيديو رابع

http://www.youtube.com/watch?v=glj7U...eature=related

يعني أتمني من الله إنها تعجبكم .

[AbOnOrA]

ظريف الصاعق ده بس الواحد يسيبة جمبه مفتوح لساعة الجد يعلق وميفتحش

تسلم ايدك يا باشا على مشاركة التجربة بس مقولتلناش بيتباع فين ؟؟

[alymonir]

بس هل هو قانوني فعلا ولا لأ ؟؟
و ممكن نشتريه منين بالضبط ؟ محلات لسلاح ولا سوق سوداء ؟؟

[walidelmorsi]

انا اشتريتة ولما روحت البيت واستعملتة مرتين السوستة ضربط من قدام روحت مرجعة واخت واحد تانى جيت اشحنة لاقيتة ما بيشحنش روحت عشان اشوف الحكاية الراجل اتخانق معايا وقالى حظك كدة المهم ماسبتوش لحد لما اخت فلوسى منة بالعاقية وناقصين 50 جنية دول عالم نصابة كان من وسط البلد

[TELEBK]

ده اللينك بتاع الموضوع إللي بيتباع في الصاعق
http://www.egypthunt.net/showthread.php?t=24469