استغاثة ماسة لأني بقيت في حوسة من التيل و اسنينة و ادي اللي واخدينه

[عبد الله بن عبدالله]

السلام عليكم ورحمة الله
اخواني و أحبابي تحية طيبة خالصة لوجه الله الكريم وبعد
اشكوا الي الله حوستي من التيل ابن الذين جم من اليبان
العربية نيسان صني 2006 تمام
اول ما اشتريتها كانت وهي لا تزال يعني زي الفل و كشفت عليها و كله تمام
بعد فترة بسيطة خدت حفرة من اللي اللاهي لا يبتلي بيها عدوا ولا حبيب
المهم مفيش حاجة حصلت بس تاني يوم كان فيه رجة شديدة خدتها و رحت لبتاع العفشة و فضلت معاه لحد ما فك العفشة و قواعد الماتور و المقصات ووووو كل ما تتخيلوا في العفشة - المهم كل حاجة ذي الفل ماعدا قواعد الماتور كانت هي اللي عاملة القلبان لأنها كانت مهرية خالص - غيرتها و غيرت التيل الأمامي بالمرة عشان ابقي مطمن و جبت تيل بــ 130 جنية يباني علي حد قول بائعة - المهم كانت الأول بتفرمل من غير اي صوت - بعد التيل الجديد بيومين تلاتة بقي فيه صوت لما ادوس علي الفرامل يشبه الصفير - و بدأ يجي صوت مع الوقت ذي هو مش عارف اوصفة قوي بس هو ذي ضأرة كده بدأت تذيد لكن الحق يتقال لازم تركز مع العربية عشان تسمعها و لو بالنهار متحسش بيها اوي - روحت للميكنيكي فك التيل و فركة في التراب تحت رجليه علي الاسفلت و ركبه اشتغلت تمام بس قالي يومين و هترجع عشان التيل وحش وفعلان بعد تلات ايام رجعت - المهم بعد شهر ونص زهقت و شلت التيل الجديد و ركبت القديم
وعملته بنفسي المرة دي و سنفرته قبل ما اركبة وكان فيه شوية حلوين - المهم قعد معايا اربع ايام وبعد كده عمل ذي اخوه واللي ذاد و غطي لما بدوس علي الفرامل بقي فيه ذي رجه في الدواسة و بتقوي لو علي سرعة لكن في كل الأحوال الفرملة ممتازة ولا يوجد خطر منها ولم تخوني والحمد لله ولا مرة .ولا بتحدف ولا حاجة لما بغير اتجاهي - انا عارف اني طولت عليكم جدا بالمذكرة التفسيرية دي لكن حبيت اذكر لكم كل شئ عساه يفيد في التحقيق -- ارجوا من اخواني مساعدتي في ايجاد حل و هل المشكلة فعلا سهلة ولا ايه وجزاكم الله خيرا مسبقا

[samirayad]

بعد فترة بسيطة خدت حفرة من اللي اللاهي لا يبتلي بيها عدوا ولا حبيب المهم مفيش حاجة حصلت بس تاني يوم كان فيه رجة شديدة

لازم تطمن على صرة وبلى الفرده التى سقطت منك فى الحفره

[عبد الله بن عبدالله]

المشاركة الأصلية كتبت بواسطة samirayad لازم تطمن على صرة وبلى الفرده التى سقطت منك فى الحفره

جزاك الله خيرا اخي الكريم علي تشريفك بالرد
هل البلي امامي و خلفي ولا خلفي بس لأن المكانيكي قالي عايزين نبقي نخرط بلي العجل اللي ورا و انا حسيت ان العربية ماشية كويس و هو قالي انها مش مهمة قوي دلوقتي فمهتمتش بالموضوع فهل دا ليه تأثير - لعما بأني بدأت الاحظ ان فيه زي تزيقة مكتومة في المساعدين أو العجل اللي ورا عموماً لما العربية بتكون متروسة من العيلة و الشنطة مليانة - علي الطرق المدغدغة بتاعتنا اما علي الاسفلت مفيش اي حاجة

[samirayad]

مفيش مشكله

أما حضرتك تخضع السياره لكشف شامل

على كل بلى العجل وصرر الفرد الأربعه

فأمانك أنت وأولادك

هو أهم من أى شىء تتخيله

وخصوصا المعاناه لدى الصنايعيه

[bunnybunny77]

الطنابير عملة ايية؟