الفرامل الخلفية

[mody112]

كنت عند الميكانيكى امبارح بحاول اظبط الفرامل ولما فك العجل اللى ورا قالى الطنابير الخلفية دى اللحمية بتاعتها خفيفة جدا ولازم تتغير ومن الاخر باظت ( عربيه لانوس )
فانا قولت طالما تغيير بتغيير ينفع اعدلها لفرامل ( تبقى زى الفرامل الاماميه ) يعنى ( ديسكات او سكاكين ) بصراحه مش عارف اطلق عليها ايه ولا اجيبهم هما هما جداد او استيراد ؟
2 - هو ايه الفراق بين الفرامل الديسكات والسكاكين ؟
3 - ايه الفرق ما بين الفرامل الاماميه والخلفيه من حيث المسمى والاداء ( بالنسبه للانوس )؟
والف شكر

[ahmedesmat87]

اسمها ديسكات فعلا وبالنسبه للاداء فهى هتفرق معاك جدا فى الانوس خصوصا ان الفرامل معاك واطيه فهتعلهالك وهتحسن اداءها ومساحه الفرمله بطريقه ملحوظه دا اولا .....اما بالنسبه للنوع اللى هيسقط عندك بدون مشاكل فهى طقم طنابير الاوبل فيكترا 94 وياريت يكون بتاع ال 2000 سى سى عشان يبقى اكبر .....وشكرا

[samirayad]

لو أنت مش من هواة الجرى بالسياره ( زى حلاتى )

وبتحب القياده المعتدله ( آخرك يعنى 120 كم /س )

ومكنتش بتعانى من ضعف فى الآداء الفرملى

هاتلك جوز طنابير خلفيه إستيراد بحاله جيده

ولا تغير فرامل من نوع لنوع ولا تشغل بالك

[welywely]

تفتكر الفكرة دي تنفع للفيرنا يا استاذ احمد اصلي كنت عامل موضوع هنا بس ملاقتش حد شجعني

المشاركة الأصلية كتبت بواسطة ahmedesmat87 اسمها ديسكات فعلا وبالنسبه للاداء فهى هتفرق معاك جدا فى الانوس خصوصا ان الفرامل معاك واطيه فهتعلهالك وهتحسن اداءها ومساحه الفرمله بطريقه ملحوظه دا اولا .....اما بالنسبه للنوع اللى هيسقط عندك بدون مشاكل فهى طقم طنابير الاوبل فيكترا 94 وياريت يكون بتاع ال 2000 سى سى عشان يبقى اكبر .....وشكرا

[moca_moca]

متابع
هل ده هيأثر علي العفشه ؟