برجاء المساعدة استحلفكم بالله

[elsheikh2010]

معايا فيرنا 2011 لسنة ما كملتش سنة ولسة بكياسها ما كنتش حاطط في دماغي موضوع الدوارة خالص لحد ما الشيطان لعب بدماغي ومن ساعتها ركبني الوسواس وانا اصلا عندي الهسهس خلقة المم بقيت با حس انه لما ادور العربية الصبح او بتكون راكنة بعد مشوار بتدور كويس يعني صوت المارش مزيكة وجميل وتوقيت الدوراة زي الفل لكن لما بتكون العربية سخنة او رحت بيا كام مشوار وبعدين بطلت العربية لمدة ثواني فقط وجيت ادورها بعد الثواني ده الاقي العربية بتدور بسرعة وباحس ببحه بإيدي وانا بادور زي ما يكون الواحد زوره مبحوح المهم الى جنبي ما بيحسش بحاجة وبيقولي مافيش حاجة زي كل مرة بتدور فيها العربية ..... فهل انا موسوس والعربية ما فيهاش حاجة ولا ممكن تكون زي ما بعض الناس ما بيفتوا انها ممكن تكون البوجيهات او طلمبة بنزين او حاجة تانية ..... على فكرة العربية بتسحب كويس جدا والشكمان لسة بيجيب مية يعني تقريباً زي ما بيقولوا الماتور مظبوط وكمان باسمع صوت طلمبة البنزين بتشتغل لما بدور العربية ...
اسف على الإطالة بس ياريت حد يجاوبني بس والنبي بلاش الإفتكاسات لأنه جتتي مش خالصة ..

[احمد على 1999]

استعيذ بالله من الشيطان الرجيم و قول الاذكار
العربية مفيهاش حاجة

[حسام البورسعيدى]

هو ده الطبيعى لان الموتور بيكون لسه مهداش فبيدور بسرعه اكتر من المعتاد ..

متقلقش اطلاقا ..

[memodina1]

لعلم حضرتك انا عارف البحة اللى بتقول عليها دى بص حتى كمان عايز تتاكد دوس دبرياج للاخر ودور هتحس بالبحة دى فى الدواسة بتاعت الدبرياج ودا امر طبيعى جدا جدا جدا اهم حاجة بتدور من اول مرة وبس ولعلمك العربية زى ما قال استاذى واخويا الكبير استاذ احمد
العربية مفهاش اى حاجة والبوجيهات غيرها على 20 اة 25 الف انا بعمل كدة من زمان وخد بالك بلاش تفك الطرمبة ولا تلعب فى حاجة انت بس لو مغيرتش فلتر البنزين غيرة لانة بيتغير كل 5000 كيلو او 7000 بالكتير وحط 92 والفلاتر ملهاش علاقة باللى بتقولة انا بقولك عشان صيانة للعربية نصيحة لوجة الله استمتع بالعربية ومفهاش اى حاجة نهائى
سؤالى ليك بقى اكمنى انت فيرنا جديدة هل فى بعد 120 رعشة فى الدريكسيون حتى بعد ما ترصص رعشة بسيطة كدة مش جامدة لاة عادية بس بترعش برضة اخدمنى فى السؤال دا
ولو عايز اى صيانة او سؤال فى الفيرنا من الشمكان لحد الكبون انا تحت امرك كل اللى عايزة انا هقولهولك وعايز مواعيد صيانة تغيير فلاتر سيرفيس او اى مشاكل اللهم لا يقابلك اى حاجة ان شاء الله اناا تحت امرك بس قبل اى حاجة استشر الاعضاء هنا الاول واحنا نرد عليك مش تروح للميكانيكى على طول لانهم والله هيتعبوك للاخر

[tamer.koko]

المشاركة الأصلية كتبت بواسطة memodina1 لعلم حضرتك انا عارف البحة اللى بتقول عليها دى بص حتى كمان عايز تتاكد دوس دبرياج للاخر ودور هتحس بالبحة دى فى الدواسة بتاعت الدبرياج ودا امر طبيعى جدا جدا جدا اهم حاجة بتدور من اول مرة وبس ولعلمك العربية زى ما قال استاذى واخويا الكبير استاذ احمد العربية مفهاش اى حاجة والبوجيهات غيرها على 20 اة 25 الف انا بعمل كدة من زمان وخد بالك بلاش تفك الطرمبة ولا تلعب فى حاجة انت بس لو مغيرتش فلتر البنزين غيرة لانة بيتغير كل 5000 كيلو او 7000 بالكتير وحط 92 والفلاتر ملهاش علاقة باللى بتقولة انا بقولك عشان صيانة للعربية نصيحة لوجة الله استمتع بالعربية ومفهاش اى حاجة نهائى سؤالى ليك بقى اكمنى انت فيرنا جديدة هل فى بعد 120 رعشة فى الدريكسيون حتى بعد ما ترصص رعشة بسيطة كدة مش جامدة لاة عادية بس بترعش برضة اخدمنى فى السؤال دا ولو عايز اى صيانة او سؤال فى الفيرنا من الشمكان لحد الكبون انا تحت امرك كل اللى عايزة انا هقولهولك وعايز مواعيد صيانة تغيير فلاتر سيرفيس او اى مشاكل اللهم لا يقابلك اى حاجة ان شاء الله اناا تحت امرك بس قبل اى حاجة استشر الاعضاء هنا الاول واحنا نرد عليك مش تروح للميكانيكى على طول لانهم والله هيتعبوك للاخر

: 010104~171: