هو البنزين ال 92 بيطير بسرعة فعلا !!!!

[Vanditta]

السلام عليكم ورحمة الله وبركاتة
ناس كتير بتقول ان ال 92 بيطير بسرعة عن ال80 واناماكنتش مصدق الكلام دة نهائى
فقولت اجرب بنفسى ورحت فولت النص الباقى من التانك 80 واللى لاحظتة
انة فعلا بيقعد اكتر من ال 92
يعنى مثلا بعد مافولت عملت مشوار بتاع 30 كيلو ...المشوار دة لو انا مفول 92 كان المؤشر بينزل شرطة تقريبا (دة لو قسمنا المؤشر8 شرط) مثلا

اللى لاحظتة بعد مافلولت 80 انى بنفس المشوار دة المؤشر ماتحركش من مكانة الا حاجة بسيطة اوى لا تذكر ... يعنى لولا ان انا مركز معاة طوول الطريق ماكنتش لاحظت انة اتحرك اصلا
فهل الكلام دة لية صحة علمية ولا انا بيتهيئلى ولا اية بالظبط ؟؟؟؟
اللى خلانى اسئل السؤال الغريب دة ان كذا واحد من اصحابى قالى ان ال 92 بيطير بسرعة عن ال80 وكلهم عربياتهم موديلات فوق ال 90 بس كاربيراتيرواناماكنتش مصدق الا اماجربت

[M.TONSY]

هو علشان ارخص فبيديلك الاحساس ده
بس انا اعتقد العكس لان الاوكتان الاعلى يكون افضل من حيث الاحتراق الكامل ويعطى طاقة اعلى دى وجهة نظرى

[tamer.koko]

متابع لحين الرد ال العلمي او المناسب

[hhhesham]

المفروض علميا ان ال92 يعوض اكتر علشان كميه الاوكتان الى فيه او بلفظ تانى شوائبه قليله و العكس فى ال80 علشان فيه شوائب كتيره بيتحرق اسرع

[SHABRO]

انا لاحظت الموضوع ده في عربيتي ....اول ما جبتها كنت بحط 92 , الصفيحة كانت بتعمل 150 كيلو
حطيت مرة 90 لقيت الصفيحة عملت 180 ....
ال80 لسه حاطط صفيحة من كام يوم علشان ملقيتش 90 وماشية حوالي 100 كيلو ونقصت النص....
انا مش عارف تفسير علمي الصراحة , بس حكاية الشوائب والكلام ده متهيألي غلط لان البنزين مينفعش يبقى فيه شوائب