ايه الحكاية يا جماعة هو مفيش في مصر بنزين غير الــ 95 ولا ايه؟

[الصقر_الجارح]

السلام عليكم ورحمة الله وبركاته

صباح الخير عليكم جميعا

أنا معايا عربية دايو لانوس 2006, ومتعود دايما أحط لها 90 أو 92 على حسب الموجود, المهم التانك عندي كان تحت النص فقولت أروح أفول, المهم نزلت وروحت بنزينة موبيل(عندنا في الشيخ زايد) لقيت طابور طويل موقف الشارع كله لحد البنزينة, ولقيت عامل البنزينة جاي يقولنا مفيش غير الــ 95 , ومع ذلك محدش مشي!!
وسمعت ناس جمبي بيقولو ان حتى الـ 95 هيخلص قريب, قمت دوست بنزين ومشيت.
قولت أنا حاليا مش هخرج برى زايد أستنى لما الــ 92 يوصل ولا حاجة, لو موصلش هضطر أعبي 95 وأمري لله.

وكلمت صحبي اللي ساكن في السيدة قلي كمان مفيش في السيدة غير 95 !!!!

أنا سمعت والله أعلم ان البنزينات محتكرة الــ 90 والــ 92 ليها والله أعلم, يمكن عشان الأحداث اللي جاية يوم 25 وربنا يستر.

محدش عندو خلفية عن الموضوع؟

تقبلو تحياتي,,

[crime]

هما فعلا شايلين البنزين علشان احداث 25 يناير اللى جايه علشان محدش يستغل البنزين ف اغمال التخريب وف الاول وف الاخر حسبى الله ونعم الوكييل ف اللى عايزين يخربوا البلد

[الصقر_الجارح]

المشاركة الأصلية كتبت بواسطة crime هما فعلا شايلين البنزين علشان احداث 25 يناير اللى جايه علشان محدش يستغل البنزين ف اغمال التخريب وف الاول وف الاخر حسبى الله ونعم الوكييل ف اللى عايزين يخربوا البلد

اها عشان كده..وأنا أقول ايه السبب؟

بس برضو احنا ذبنا ايه بس

يعني كل ده في الاخر بيجي على دماغنا,

وفعلا حسبي الله ونعم الوكيل في اللي عايزين يخربو البلد أكتر ما هي خربانه.

وشكرا لك أخي crime على مرورك.

[moca_moca]

طبعا كلام فارغ واشاعات اللي يقول شايلينه عشان التخريب
سيادتك الازمه دي موجوده من زمان خصوصا البنزين 80 وبعدين التخريب يعني ما ينفعش ببنزين 95 ؟؟؟
ولا هيكون تخريب بدون تلوث يعني لو استخدمنا 95 ؟ هههههههههههه
المشكله في السوق السوده والمتعهدين اللي بيخزنوه ويهربوه كمان
دي نمره هيئه البترول للشكاوي غرفه الشكاوي 0227065913

وده موضوع عن الموضوع هههههههه
http://www.masrmotors.com/vb/showthr...394#post595394

[Ahmed Salah ahmed]

: 090104~384:

الواحد يشتري عجلة احسن