اجيب انهى عربيه ( ريتمو ريجاتا ، 132 ، ريجاتا ) ؟!!

[a_e]

بسم الله الرحمن الرحيم

ازيكم ياعضاء مصر موتورز يابشاوات
اظن العنوان موضح طلبى
فانا معايا 16 الف مخليهم لعربيه وعاوز عربيه امشى بيها شويه حلوين يعنى مش اقل من سنه ونصف او سنتين وانا شغلى متطلب انى كل يوم اركب العربيه الصبح وبليل ( محامى ) طبعا فى حدود القاهرة والجيزه ولكن ساعات بسافر اسكندريه المنصور المحله او غيرهم بس مش علطول طبعا

وانا كان معايا 128 موديل 78 وبعتها وعاوز اركب حاجه حلوه فايه من رأيكم الانسب ليا ريتمو ريجاتا " اربعه فانوس " ، 132 ، ريجاتا ولا استنى شويه واكمل الفين او تلاته واجيب 131 مع انى مستغلى تمنها شويه ولا ايه ولان فى ناس قالتلى كمل وهات ماروتى بس صغيره قوى ومش مستريح ليها
انا محتار وللعلم اى عربيه هجبها هشدها تمام علشان امشى بيها فترة كبيره شويه من غير مشاكل بأذن الله
لكن برده مش عاوز الميزانيه تضرب منى
منتظر ردكم


والسلام عليكم ورحمة الله وبركاته

[esafegypt]

لو لقيت لادا هتبق احلى لان اللادا لما تصلحها وتحط فلوس فيها بتلاقى نتيجه وممكن تعيش معاك فترة كويسة ولو ملقتش لادا يبق تجيب ال 132 او 131

[ahmed_elmagree]

akeeeeeeeeeeeeeed regataaaaaa

[a_e]

المشاركة الأصلية كتبت بواسطة esafegypt لو لقيت لادا هتبق احلى لان اللادا لما تصلحها وتحط فلوس فيها بتلاقى نتيجه وممكن تعيش معاك فترة كويسة ولو ملقتش لادا يبق تجيب ال 132 او 131

شكرا على الرد والاهتمام
وبالنسبه للادا الخوف كله منها فى البيض بتاع العجل
وانا فعلا ميال للـ 132 لانها وحش بمعنى الكلمه لما بتضظبط بس اللى شاغل بالى شويه ان موديلها من 73 حتى 81 بس عجبانى جدا وبدور على موديل قريب شويه منها اما الــ131 هى حلوه وكله بس مش مرتاح لشكلها بس

[a_e]

المشاركة الأصلية كتبت بواسطة ahmed_elmagree akeeeeeeeeeeeeeed regataaaaaa

شكر على الرد والاهتمام
الريجاتا انا كنت ناوى عليها بس البارومه والكبالن وانها كمان علب مش شاسيه فده خلانى استبعدها شويه بس مش استبعاد خالص لانها اقرب للحديث طبعا فايه رأيك