أرجو الإفادة فى القريب العاجل .. العربية واقفة ومحتار أتصرف أزاى

[ggaamm]

بسم الله الرحمن الرحيم

أرجو الإفادة يارجالة بالله عليكم

أنا معايا مازدا 323 ..1600

كانت عاوزة طقم شنبر وبالفعل جهزت الفلوس وجبت الجوانات وفضل الشانبر منتظر افك الموتور عشان اجيب زيه

فكيت وكله كان ماشى زى الفل لغاية ما طلعت البساتم
طلع بستم رقم 3 مكسور من ناحية الشنبر كده .. حوالى 4-5 ميلى من الشفة مكسور!!

دورت على البساتم مقاس اللى عندى وهى 020 ملقتهاش
واحد بتاع قطع غيار اقترح عليا اجيب 030 واظبط الموتور على كده

قلت للميكانيكى قالى لا حرام عليك الشمايز عندك نضيفة وكده انت هتدخل فى عمرة كاملة !!
وقالى فى الآخر براحتك

بصراحة انا مش عارف اعمل ايه ولا حتى ايه سبب الكسر ده مع ان الموتور جديد مامشيش 60 ألف كيلو على بعض ...

فلو سمحتوا تفيدونى :
الأول فى هل أوسع وأعمر ولا ادور على البستم اللى ناقص أحسن
ثانياً هو ايه اللى يبوظ البستم من الحتة دى مع ان الموتور ماكنش لسه بياكل زيت وكان بس بدأ يدخن والكبس بتاع العربية قل شوية
ثالثاً هل الموتور هيرجع زى الأول ويظبط فى الكبس ولا يقرفنى بقى كل شوية فى كسر بستم وشنبر وهل 020 و030 يفرق فى الكبس ولا واحد ... يعنى لو وسعت وجبت 030 الموتور هيبقى أحسن ؟
وأخيراً هل أجيب موتور استيراد بالمرة وأخلص ولا أيه رأيكم

أتمنى الرد فى اسرع وقت لأن العربية واقفة ومحتار مش عارف اعمل اييييه؟

[samirayad]

الأول فى هل أوسع وأعمر ولا ادور على البستم اللى ناقص أحسن

لو لم تحصل على البستم ال 0.20

لا أرشح عملية التوسيع إلى 0.30

ثانياً هو ايه اللى يبوظ البستم من الحتة دى مع ان الموتور ماكنش لسه بياكل زيت وكان بس بدأ يدخن والكبس بتاع العربية قل شوية

غالبا التوسيع السابق من المقاس الإستاندرد للشمايز لم يكن بالدقه المطلوبه

وحدث إنكسار لشفة البستم بسبب عدم الإحكام الجيد لشنبر تلك الشفه المكسوره

وأخيراً هل أجيب موتور استيراد بالمرة وأخلص ولا أيه رأيكم

أفضل لك شراء موتور إستيراد

[sherif fersh]

كل مشاكل البساتم فى اليابانى بتبقى فى رقم 3
و كذلك بعض الاوروبى
نفسى أعرف سر رقم 3 ده
أتفق مع الاخ سمير فى أن موتور استيراد افضل
لكن لو مش عاوز تتكلف كتير يبقى تتصرف و تشوف 0.30
بس المحرك مش هايعيش كتير
و ربنا يوفقك لما فيه الخير ‘

[magdy m.s]

المشاركة الأصلية كتبت بواسطة ggaamm بسم الله الرحمن الرحيم أرجو الإفادة يارجالة بالله عليكم أنا معايا مازدا 323 ..1600 كانت عاوزة طقم شنبر وبالفعل جهزت الفلوس وجبت الجوانات وفضل الشانبر منتظر افك الموتور عشان اجيب زيه فكيت وكله كان ماشى زى الفل لغاية ما طلعت البساتم طلع بستم رقم 3 مكسور من ناحية الشنبر كده .. حوالى 4-5 ميلى من الشفة مكسور!! دورت على البساتم مقاس اللى عندى وهى 020 ملقتهاش واحد بتاع قطع غيار اقترح عليا اجيب 030 واظبط الموتور على كده قلت للميكانيكى قالى لا حرام عليك الشمايز عندك نضيفة وكده انت هتدخل فى عمرة كاملة !! وقالى فى الآخر براحتك بصراحة انا مش عارف اعمل ايه ولا حتى ايه سبب الكسر ده مع ان الموتور جديد مامشيش 60 ألف كيلو على بعض ... فلو سمحتوا تفيدونى : الأول فى هل أوسع وأعمر ولا ادور على البستم اللى ناقص أحسن ثانياً هو ايه اللى يبوظ البستم من الحتة دى مع ان الموتور ماكنش لسه بياكل زيت وكان بس بدأ يدخن والكبس بتاع العربية قل شوية ثالثاً هل الموتور هيرجع زى الأول ويظبط فى الكبس ولا يقرفنى بقى كل شوية فى كسر بستم وشنبر وهل 020 و030 يفرق فى الكبس ولا واحد ... يعنى لو وسعت وجبت 030 الموتور هيبقى أحسن ؟ وأخيراً هل أجيب موتور استيراد بالمرة وأخلص ولا أيه رأيكم أتمنى الرد فى اسرع وقت لأن العربية واقفة ومحتار مش عارف اعمل اييييه؟

:fun_Whis pering:عز يزىعن تجربة هذة السيارة عمرتها غير معمرة الأفضل لك شراء موتور إستيراد ويفضل من نفس مدينتك ويكون بنظام التجربة -بيكون غالي شوية بس بتضمن موتور علي الاقل جيد

[ggaamm]

المشاركة الأصلية كتبت بواسطة samirayad لو لم تحصل على البستم ال 0.20 لا أرشح عملية التوسيع إلى 0.30 غالبا التوسيع السابق من المقاس الإستاندرد للشمايز لم يكن بالدقه المطلوبه وحدث إنكسار لشفة البستم بسبب عدم الإحكام الجيد لشنبر تلك الشفه المكسوره أفضل لك شراء موتور إستيراد

على فكرة الشمايز اللى فيها استندر ماتلعبش فيها لأن الموتور شكله جديد
لأن وش السلندر جديد والبساتم بارضو باين عليها انها ماشتغلتش كتير

طيب اعرف منين موضوع التوسيع ده من عدمه عشان أتأكد

على العموم انا هدور تانى وبإذن الله ربنا يوفقنى فى الحصول على البستم لو فيه خير
لو ماكنش هضطر اجيب موتور جديد وامرى لله

وشكراً لأهتمام حضرتك ياباشا

بس يريت تفيدنى فى موضوع معرفة الشمايز ده وأكون شاكر ليك جداً
لأن لو ملعوب فيهم انا هغير على طول عشان الدوشة وكده