مقارنة عملية بين الانترا القديمة وال2012 و انهي افضل

[socobolos]

انا اشتريت نيو الانترا في 2007 اول ما نزلت و كانت ب 95 الف جنيه اوتوماتيك و فضلت معايا لحد 2012 و عملت 212 الف كيلو و بعتها و اشتريت ال2012....وكيل اوتوماتيك فتحة سقف....اول ماركبت الجديدة حسيت بالاتي بالمقارنه بالعربية السابقة
1- العفشة زفت و بتخبط في المطبات الصغيرة اكتر من اللي مشيت بيها 212 الف
2-الثبات زفت مقارنة بالقديمة
3-التسارع زفت الزفت الزفت الزفت خالص و تحس انك راكب 1300 مقارنة بالقديمة...كنت بالقديمة بنفخ اي هوندا او سيراتو او لانسر و بسهولة ملحوظة كمان و كنت لحد ما بعتها العداد بيجيب 200...الجديدة بعد ال120 بتزعق عالفاضي
4-السماعات منغير تويتر و مكتومة و غالبا وان واي سبيكر
5- الفرامل اللي ورا برميل مش اسطوانه زي القديمة و ده معناه في الحر الفرامل هتكون اضعف من القديمة
6-جهاز الانذار مرة يضرب و عشرة لأ و هروح انفخهم في التوكيل ...لانه بتشغل الانذار و اذا فتحت بمفتاحك الانذار مش بيشغل مرة و عشرة
7- و اخيرا المفجأة الكبرى عربية اخويا اتسرقت الانترا 2012 سودة وكيل نتيجة عدم انطلاق جهاز الانذار و استطاع السارق انه يفك مسوجر الدركسيون و تشغيل العربية و عند الابلاغ اتفاجئ اخويا ان في عده بلاغات بسرقة الانترا بعد صيانة الالف كيلو بمفتاح مصطنع و بنفس الطريقة و بعتنا لغبور و طلبوا التفاهم عشان سمعتهم تقريبا .... المهم الضمان بيغطي جهاز الانذار و بالتالي المفروض يتحمل نتيجة سرقة العربية و عدم انطلاقة.
المحصلة لو معاك القديمة اوعى تزعل .... افرح انك ما شربتش المقلب

[mohamed ellithy]

غبور بيتغر فى نفسه ومهتم بالشكل اكتر وسايب الجوهر

[walidelmorsi]

غبور اسوء توكيل فى مصر وكان الاسوء منة وليد توفيق بتاع الكيا وهو قفل والحمد لله عقبال غبور ان شاء الله .

[hhhesham]

و السعر طبعا زياده على الفاضى

[abdulkhaleq]

لاحول ولا قوة الا بالله
معلش ربنا يعوض عليكو في العربيه اللي اتسرقت
ويعوض عليك في المشاكل اللي عندك والمهم ان انتو بخير
والله ياجماعه اتكلمنا كتير وقلنا خلاص بقت مقلب وتوكيل مقلب والناس بتشتري بالشكل
قاللك انت غيران من النجاح
يارب حقكوا يرجع