لسه فاكر حاجه اسمها ثوره

[mar mar]

تفتكروا بعد اللي بيحصل كل يوم في ميدن التحرير
نقدر نقول ان كن في حاجه اسمها ثوره

والله اللي بيحصل النهارده ده ما هو الا تشويه للثورة اللي قام بيها كل واحد شريف في البلد ولو طولت عن كدا يبقي نقول علي البلد يا رحمن يا رحيم

[abu_ruqayyah]

اللهم لا اله الا انت سبحانك انى كنت من الظالمين


للاسف الاحداث اللى بتحصل دلوقتى فى منتهى الخطورة والظلم جاى من الطرفين سواء جيش او معتصمين والافتراء من الاتنين ....واعتقد ان فى افراد من الطرفين ما يعرفوش معنى حب الوطن او سمعوا عن حاجة اسمها انتماء .............للأسف بقي فى ناس كتيرة بتتعامل مع الاوضاع من منطلق شخصي بحت ولا يحسبون اى حساب لمصر ...............واخاف ان نذهب لإستفتاء ويقبل نصف الشعب الجيش والنصف الاخر لا يقبل الجيش ولا يهنأ مجلس عسكرى او حتى مجلس مدنى لان كل جماعة لها معارضيها وتنقلب الامور رأسا على عقب وتقوم حرب أهلية ويتم تقسيم مصر ( للأسف حسب خطة تقسيم الشرق الاوسط) ويدنس الاحتلال ارضنا ............



اللهم اللطف بمصر ... اللهم فرج كربها

[مادا]

المشاركة الأصلية كتبت بواسطة mar mar تفتكروا بعد اللي بيحصل كل يوم في ميدن التحرير نقدر نقول ان كن في حاجه اسمها ثوره

هو انتى فاكره ان اللى بيحصل من الناس دلوقتى ده اسمه ثورة الثوة كانت ايام ما نزلنا كلنا فى وجه حسنى مبارك الحرامى وقلنا ليه كفاية كده ظلم وارحل وسيب الحكم وطلعنا رجاله كلنا و كنا خايفين على مصر وبنحمى مصر من البلطجيه مش بنحرق فى مصر لكن اللى بيحصل فى مصر دلوقتى مش ثورة دى قلة ادب وبلطجه . حرق ممتلكات عامه واعتصامات ملهاش لازمه ولا مبرر وعمل عداء بين الشعب والجيش لا مش عارف و الناس اللى وضعين خيم فى الميدان ومعطلين المرور ليه هيا التحرير بقى عرفات علشان يحضوا فيه خيم . الناس اللى اعتصمت امام مجلس الوزراء ومش انخلى رئيس الوزراء يروح شغله بلطجه وقلة ادب ويستاهلوا اكثر من كده ومتقليش عليهم ثوار لان لو هم دول الثوار يبقى عليه العوض فى مصر لما يتحول البلطجيه واطفال الشوارع الماجورين الى ثوار

[kastan]

يا جماعه سامحونى فى اللى هئوله بس الواحد بجد مخنوق جدا من المناظر اللى بشوفها والله مش عارفين مين الصح و مين الغلط الناس بتهرج كل واحد مش عاجبه حاجه يجرى و يعمل اعتصام لا وايه؟ مش هيتنازل الا لما الحكومه تمشى ام دم خفيف اسماء محفوظ اللى عامله نفسها بئت المتحدث الرسمى للشعب مش عاوزه تتحرك الا لما د/ جنزورى يتشال ومحروق ابو البلد حتى تخرب ولا يبئى فيه شغل و الاقتصاد انهارخلاص والاحتياطى فى يناير خلاص بح يعنى اكيد هيكون فى ثوره بس ثوره جياع يا جماعه تونس خلاص بئت شبه مستقره لازم الاحزاب تهدى شويه كل واحد عاوز حته من التورته وزى ما د/عمرو خالد ئال ئبل كده هما هيموتوا على ايه مافيش حاجه اصلا تنفع تتئسم يا جماعه ده عمره ما يكون فى مصلحه البلد الانتخابات شغاله و الناس هى اللى بتحدد مصيره يبئى ايه لزومه الاعتصامات وساسيه العند دى! بجد ربنا ينتقم من كل واحد بيفسد فى البلد وبجد انا بئيت بشك جد انه فعلا موجود جهات خارجيه بتساعد على اللى بيحصل و بتحاول تخرب فى البلد اكيد فى حد بيحاول يفرق الناس و افكارها لان هو ده مبدئهم (فرق تسد)