ماهى الطريقة الصحيحه لتنظيف ماكينة السيارة؟؟؟؟؟؟

[محمدعبدالرحيم]

السلام عليكم ورحمة الله وبركاتة انا بشكر الاخوة القائمين على المنتدى لو سمحتم عايز اعرف الطريقة الصحيحه لتنظيف الماكينه لانى عربيتى جايبها من سنتين منظفتش الماكينه وبرضه بخصوص غسيل السيارة من تحت ده ضرورى ولا عادى لانى برضه مغسلتش السيارة خالص من تحت واسف على الاطالة

[محمود زيزوو]

بص يا استاذ محمد صدقنى ودى بتختلف من ناس لناس انا بناسبة لية مبحبش احط مياة على الموتور سواء سخن تاو بارد لية بقى لان الحتة دى كلها كمبيوتر وغير كدة فيها اسلاك كهرباء كتير وفيها خراطيم ممكن تتشقق وحاجات كتير انا بالنسبة لية بأفضل اتنضيف بالهواء هو اة طبعا مش زى المياة او المياة بالجاز لان فى ناس بتحط مياة على جاز المهم انا مبعملش كل الكلام دة وانا بغير زيت بخالى اللى بيغير زيت يديها هواء سخن بينضفها كويس بس طبعا مش بيتبقى قوى وبقوم انا بعد ماروح والعربية تبرد اجيب فوطة وامسح التراب كلة اللى باقى بايدى دة اللى باعملة امة بالنسبة لغسيل العربية من تحت يفضل تغسلها كل فترة كبير قوى بينها وبين الغسلة التانية وتكون فترة كبيرة وياريت تكون العربية باردة علشان الشكمان بيقى نار فطبعا سخن على ساقع طبعا انت عارف الاكسدة والكلام دة ويارب اكون افدتك

[محمدعبدالرحيم]

تسلم ايدك يا استاذ مجمود والله يجزاك خير على الافادة والرد

[khaabas]

فيه فوم مخصص لغسيل المكنة وكمان بيشل الصدا

[طارق عبد السلام]

بجد بلاش تغسل الموتور او استخدم الاسبراى الخاص بيه
انا من اسبوع سيبت عربيتى لواحد متخصص يغشلها وتنظيف داخلى
الباش سايب العربيه مفتوحه والكاسيت شغال طول اليوم لا وايه الكهرباء انقطعت عنده حوالى اربع ساعات شغل كشافات العربيه وعملها اضاءه فى المغسله
وىخر اليوم قالى بطاريتك ضايعه يا استاذ
طبعا اول الخسائر بطاريه ب500 جنيه (بطاريه 70 سعودى)
ولمبه منوره فى الطابلوه لمبه مرسوم فيها دريكسيون عربيه مش عارف دى بتاعت ايه) وبتنطفى بعد فتره وكام زرار نور بتاع زجاج الكهرباء انطفت مش عارف ليه
بس عرفت ان الافضل العربيه تتغسل من بره فقط وبلاش تقرب بميه من جوه العربيه