صوت فى الكبوت ؟

[alifathi]

اخوانى لاحظت بعد ما بطلت العربية بدل كام مشوار لاحظت ان فى صوت خفيف غى كبوت الصوت ده عامل زى ما يكون هناك حاجة بتنقط ! بس مش بتستمر كتير يعنى كان صوت دة بيكون عبارة عن طقطاقة او تنقيط فهل ده لية علاقة بالانجشكشن ولا لية علاقة باية علما فى اول دوران العربية بيقي مفيش صوت او لما بتكون العربية مش ماشية كتير برضوا مفيش صوت بس الصوت بيكون ملحوظ لثوانى لما بنبطل الموتور

ارجو الافادة

[memodina1]

يا استاذ على الصوت دا صوت الماتور لما بتطفى العربية وصوتة عامل زى تك او على ما يقولون صوت رنة الدبوس تكتة كل شوية كدة
الصوت دا لازم ولابد يكون فى اى عربية حتى لو مرسيدس او بى ام
الصوت دا عادى مجرد السخونة الشديدة اللى بيعملها اى ماتور عربية فلما تطفى الحديد بينكمش ويتمدد ويعمل الصوت دا
وهذا الراى لا يختلف علية اتنين
شوف اراء الاعضاء هتلاقى كلة بيقول كدة
عربيتى بتعمل نفس الصوت واى عربية فى الدنيا حتى الاتوبيسات والنقل الثقيل
اطمئن العربية سليمة مية المية فى رعاية الله

[samehlila]

المشاركة الأصلية كتبت بواسطة memodina1 يا استاذ على الصوت دا صوت الماتور لما بتطفى العربية وصوتة عامل زى تك او على ما يقولون صوت رنة الدبوس تكتة كل شوية كدة الصوت دا لازم ولابد يكون فى اى عربية حتى لو مرسيدس او بى ام الصوت دا عادى مجرد السخونة الشديدة اللى بيعملها اى ماتور عربية فلما تطفى الحديد بينكمش ويتمدد ويعمل الصوت دا وهذا الراى لا يختلف علية اتنين شوف اراء الاعضاء هتلاقى كلة بيقول كدة عربيتى بتعمل نفس الصوت واى عربية فى الدنيا حتى الاتوبيسات والنقل الثقيل اطمئن العربية سليمة مية المية فى رعاية الله

كلام سليم 100% بس هوه تحديدا صوت الصاجة اللي بتغطي الفرن هتلاقي صاجة خفيفة كده بيغطوا بيها الفرن بتاع الشكمان علشان منظر الموتور يكون احسن الصاجه دي بتبقي سخنه و لما بتبرد بتعمل الصوت ده
و اي خدمة

[M.TONSY]

الاصوات لايمكن تفسيرها الا بسماعها

[hazem_khidr]

دا صوت رقائق الالومنيوم بتاع سربنتينه التكييف
فعلا لما بتبطل العربيه بيحدث انكماش للرقائق نتيجه
الهواء البارد المصطدم بهذا الجسم الساخن