صح ولى غلط

[xxx x]

بسم اللة الرحمن الرحيم
انا شاب 22 سنة بدرس ادارة اعمال وكنت بشتغل فى شركة كمبيوتر و الحمد للة صاحب الشركة فليس دى مش موضعنا
الموضوع هو انى اشتريت عربية ربع نقل صندوق وشغال بوزع مواد غذائية
امبارح ركنت عند بيتى على 2 بليل وطلعت نمت وعلى الساعة 8 صحيت وقولت انزل اغسل العربية بس معرفش لية اخدت الطبنجة معاية (صوووت للتهويش)وانا نازل الاقى 2 عيال عندهم 18 سنة او اكبر بيكسرو القفل وعاوزين يخدو البضاعة
فكل الى عملتو طلقتين فى الهوى فجريو الصدفة انو الشارع الى جنبى فى نفس الوقت كان فى حرمية والصدفة الاغرب ان لمى الناس جت والعيال الناس مسكتهم عرفت ان كان فى حرامى اتمسك الساعة 2 كان بيسرق الجامع ولمى اتصلنا بالنجدة طبعا محدش جلنا و ودينا العيال لحد قسم المنتزة بعربيتى

على فكرا الحرامى مبيغلبش انا عربيتى فيها 3 اقفال وفتحوهم وال3 كمبيوتر الحمدللة

[AbOnOrA]

لا حول ولا قوة الا بالله ،،، الحمد لله ان ربنا ستر والهمك تتصرف كده

حاول تركنها فى جراج مقفول او فيه غفير

[jojojojojo]

معلش سؤال سخيف شويه انت جبت الطبنجه ديه منين ويا تري مرخصه ولا لا وشكرا

[mesho70]

- الحمد لله وربنا يعينك
- وهناك حل انك تحاول تركن العربية وبابها الخلفى ملاصق لحائط ان توفر ذلك
- وربنا يسترها ان شاء الله

[Ammon]

المشاركة الأصلية كتبت بواسطة mesho70 - الحمد لله وربنا يعينك - وهناك حل انك تحاول تركن العربية وبابها الخلفى ملاصق لحائط ان توفر ذلك - وربنا يسترها ان شاء الله

كنت بفكر بالحل ده ..
بس اكيد مش ها ينفع يركن بالعرض لأن غالبية شوارع مصر ضيقه !!