بنزين 80 مع النيو اكسنت

[amroo1982]

يا جماعه انا معايا نيواكسنت 2011 بس شكل ال 2010 وبجد نظرا لسفري الكثير ونظرا للغلو البنزين انا بقالي شهر بخلط بنزين 80 على بنزين 92 يعني نصف التانك والنصف التاني 92 وبجد مش ملاحظ اي تغيير اي حاجه في السحب او اي حاجه غير حاجه واحده بس ان مع بدايه عملي هذا الموضوع استهلاك البنزين قل جدا جدا وبصوره غريبه يعني بسحب 3 لتر في ال100 كيلو وعلى فكره كمان بمشي على سرعه 150 و 140 بس شاركوني ايه المشاكل الي ممكن تحصل واذاي اتغاضاها بس مش هقدر اغير الاسلوب دا نظره لتوفيره الفظيع في الفلوس والاستهلاك وشكرا

[mr_astra]

المشاركة الأصلية كتبت بواسطة amroo1982 استهلاك البنزين قل جدا جدا وبصوره غريبه يعني بسحب 3 لتر في ال100 كيلو

لالالالالا افهما دى لو تكرمت
دة الموتسيكل بيعمل اكتر من كدة
يعنى عاوز تقول ان صفيحة البنزين تعمل 666 كم!!!!!!!!!!!!!!!!!!!!!!! !!!!
مستحيل

[tamer.koko]

[QUOTE=mr_astra;565086]
لالالالالا افهما دى لو تكرمت
دة الموتسيكل بيعمل اكتر من كدة
يعنى عاوز تقول ان صفيحة البنزين تعمل 666 كم!!!!!!!!!!!!!!!!!!!!!!! !!!!
مستحيل
انا معاك تماما في كلامك ياباشا وكلام غير منطقي ولا يصدق بالمره

[rooro]

اكيد فى حاجة فى الحسبة غلط لان ده محصلش معدل استهلاك موتور 1100 سى سى

وبالنسبة لاستخدام بنزين اقل من 90 فاكيد هيبقى ليه اثار سلبية سواء على المحرك على اثر ازدياد معدلات الصفع ورواسب الرصاص او شوائب البنزين الاقل جودة او على اجزاء دورة الوقود وبالاخص طرمبة البنزين لكن كل ده على المدى الطويل وحسب طبيعة استخدامك وظروف التشغيل وطبعاً حسب حظك كمان لان فيه بنزينات من اللى بتبيع 80 بتبقى الخزانات مش نظيفة ومهملة ونسبة الشوائب فيها كبيرة
لكن يمكن تقليل الاثار باتباع ما امكن من الوسائل التالية :
تعديل فيشة الاوكتان ان وجدت
استخدام اضافات لحماية زيت المحرك
استخدام زيوت محرك بنوعية جيدة مع الحفاظ على مواعيد تغيير الزيت والفتر
استخدام منظفات دورة الوقود والانجكشن
المداومة على الكشف / تبديل شمعات الاحتراق ( البوجيهات)
تحرى الاعتدال فى القيادة وخاصة التدرج فى التسارع ( السحب بالتدريج )

كمان ممكن تفكر تركب غاز للعربية هيبقى توفير اكبر وبشكل اامن وافضل وبالتقسيط دلوقتى كمان

[sergeant]

احب اقول ان مصر مفيهاش توفير انت بتوفر في البزين وحتصرف صيانه وتعب اعصاب وحتقتل شباب العربيه اهنيك استمر ...