ساعدونى فى صوت غريب فى العربية

[Sniper1612]

كنت عايز اسئل سؤال بخصوص الفيرنا انا العربية كانت اتخبطت و غيرت باب يمين قدام (استيراد) من ساعتها و انا ماشى بسرعه واخد مطب ولا حاجة اسمع صوت حاجة بتشخشخ من ناحية اليمين او زى ما يكون الازاز سايب بس هوا مش سايب ولا حاجة بس ساعات لو العربية محملة الصوت مبيبقاش موجود و ساعات بيبقى موجود برضو و هيا محملة فا كنت عايز اعرف ده من ايه؟؟ وممكن ابص على ايه ممكن يكون العيب منه ؟؟ و معلش طولت علييكم بس ارجوكم سعدونى ؟!؟!؟

[احمد على 1999]

الاصوات لازم تتسمع حقيقى عشان الحكم يبقى صح
واحد يقعد جنبك و يزنق الباب او الازاز او فرش الباب و يحاول يحدد الصوت منين
ممكن ميكنش من الباب

[lord_diago]

المشاركة الأصلية كتبت بواسطة احمد على 1999 الاصوات لازم تتسمع حقيقى عشان الحكم يبقى صح واحد يقعد جنبك و يزنق الباب او الازاز او فرش الباب و يحاول يحدد الصوت منين ممكن ميكنش من الباب

بص ياباشا بعد صراع مع الاصوات في عربيتي الفيرنا وخبرتي معاها اقدر اقولك عن تجربة الصوت ده سببة سلكة موصولة في ميزان( الجراية الي بيمشي عليها الكرسي قدام وورا) الكرسي الي جنبك لو مديت ايدك تحت الكرسي شوية هتلاقي السلكة دي هزها هتسمع الصون الي انت بتسمعة مع المطبات ده وده بسبب انها مرخية فمع الاهتزاز تسمع الصوت ده.

وجرب وادعيلي بقي انك عرفت سبب الصوت لانها بتبقي حاجة تفرس عدم معرفة سبب هذة الاصوات.

[MR_GABER1]

من واقع اللى حصل معايا ... كنت باسمع صوت فى العربية اتخيله يمين فى الباب ... اقعد ورا واخلى حد تانى يسوق اسمعه فى الخلف واحيانا شمال.. روحت لعفشجى قال العفشة زى الفل ربطها وبرضة الخبط موجود ... والله احترت قولت اروح التوكيل ... لأنى لسه فى فترة الضمان ...دخلت الهياكل اللى فى طريق مصر اسكندرية الساعة 12 تقريبا ... انتظرت ساعة ونص على ما حد كلمنى والسبب ان عنهم تقريبا فى الوقت ده راحة غدا وشاى .. المسئول جاب لى الفنى شرحت له القصة بتاعة التكتكة اللى باسمعها فى العربية ... أخد المفتاح 10 دقايق ورجع ... قالى خلاص انت اكلت مطب جامد ... قلت ممكن... ايه اللى حصل قال فيه حاجة زى وردة فى مسمار النص تحت قنطرة الموتور انتنت وبقت تحك فى مسمار النص عدلتهالك... ودى كل الحكاية... باجرب العربية لقيت مفيش صوت خالص.. قلت المطلوب كام ...قالى ولا حاجة..مشيت وانا مبسوط جدا جدا...وكان عندى استعداد ادفع اى حاجة عشان الصوت دة يروح بس الحمد لله

[lawyer9]

انا بقى من الصوت كان فى اليمين بسبب المسمار إلى رابط مقص من المقصات من فوق مكنشى مربوط كويس .. بالمنايبه ممكن مسمار او صاموله او ملبس واقعين جوا فرش الباب الموضوع محتاج فك الباب والمراجعه على جرايات الكرسى زى كلام الاستاذ لورد ديجول