كاوتش الفيرنا

[mm_champion]

انا يا جماعة جديد ومعنديش خبرة في العربيات , معايا عربية فيرنا 2012 بقالها حوالي شهرين , لما روحت اشيك على الهوا بتاع الكاوتش في محطة بنزين وطنية لقيت فردة حط فيها كتير مش زي كل مرة قولتله شيك عليها لقى فيها خرم وطلع منها حتة ازاز قالي هعملهالك خابور وفيه واحد امريكاني بعشرة ومش عارف واحد تاني بسبعة , المهم انا اخترت اللي بعشرة , بس مش عارف حاسس ان كدة كتير , بالإضافة اني خايف يفك بعد شوية , وعايز اسأل هو الكاوتش اللي بينزل مع الفيرنا تيوبلس ولا عادي ,
مع الشــــــــــــكر

[Sniper1612]

يا باشا دلوقتى ما بقاش فيه عربيات بتنزل عادى كولو تيوبلس

اولا الكااوتش تيوبلس يا بشمهندس

ثانيا نصيحة بلاش تعمل خابور تاني في الكاوتش ومفيش حاجه اسمها امريكاني ولا مصري في الاخر كله بيبوظ السلك بتاع الكاوتش ومش هيخليه يعمر معاك

ثالثا الخابور بيبقي ب 5 جنيه واللحام علي السخن ب 7 والبارد 8

وطبعا افضل انواع اللحام اللي بيبقي علي البارد وده بياخد وقت شوية بس مش بيضر الكاوتش

وثانيا اللحام علي السخن

وزي ما قولتلك ابعد عن الخوابير خالص في اللحام

ولازم تشيك علي الكاوتش كل اسبوع علي الاقل

[mm_champion]

شكرا ياجماعة
انا مكنتش اعرف ان الخوابير بتضر الكوتش , ولسة عارف بعد ما عملتها بس اهو الواحد مش بيتعلم ببلاش , والحمد لله هو كان خابور واحد بس في الكاوتش
وانا كنت بهمل اني اشيك على الكاوتش لمدة طويلة بتوصل لأسبوعين وتلاتة

[M.TONSY]

بلاش الخوابير يا جماعة اعملية مش ناقصة ههههه ...واحسن لحام للكاوتش لحام المكوة السخن بتعمله وتنساه اما اللزق على البارد بيفك بعد شوية من المطبات والسخونية