ارجوا مراعاة مشاعر الاخرين

[noor a.s]

علشان خاطر ب ربنا بلاش نعقد بعض اللى معاه عربية ربنا يباركلوا فيها هيشوف انها الأفضل يخلى رأيه لنفسه ممكن ينصح حد لسة عاوز يشترى لكن ميعقدش واحد اشترى فعلا .. انا تعبت قوى علشان استقر على نوع عربيتى وكان لى اسباب مقنعة بالنسبة لى يعنى انها اول عربية واكيد هبوظ فيها كتير ولان قطع غيارها رخيصة وصيانتها سهلة وكمان منتشرة وكده يعنى ووالله كل هدفى كان عربية تصونى من بهدلة المواصلات ييجى بقى حد دلوقتى هيجيب لوجان يقعد يكرهنى فى عربيتى ويعمل مقارنات وكده انا مالى انا يعقدونى ليه ويضايقونى من العربية مع انى شايفة انها حلوة ..
فياريت بالله عليكوا بجد محدش يقعد ينقض فى عربية غيره قوله الله يبارك لك فيها ويحتفظ برأيه لنفسه انا بعمل كده والله
وعلى العموم انا بحب عربيتى ومش مهتمة دلوقتى

[mar mar]

ربنا يباركلك فيها ويديكي من خيرها ويكفيكي شرها : THUMBS~220::T HUMBS~220::TH UMBS~220:

[kastan]

الف مبروك عليك العربيه وربنا يباركلك فيها وعلى فكره هو كل واحد بيحاول انه يئول رائيه مش اكتر وتئريبا كل واحد بيشوف ان عربيته هى احسن عربيه فى الدنيا وفى الاخر المهم ان اى حد يحافظ على عربيته و يهتم بيها وان شاء الله العربيه تكون زى الفل معاه ايا كان نوعها

[poussi]

مبروك عليكى العربيه طبيعى اول عربيه بتختلف عن تانى عربيه

انا كمان كنت اول مره اسوق فقلت اجيب عربيه اصلحها بمبلغ بسيطه وقطع غيارها رخيصه لكن تانى عربيه هتحبى تجيبى عربيه على مزاجك بقى

ربنا يديكى خيرها ويكفيكى شرها ان شاء الله

[chevy_lumina]

لو حبيت عربيتك هتحس انها احسن عربية في الدنيا
و الله لو راكب 128 و بتحبها هتحس انها احسن من مرسيدس