استفتاء : هل تؤيد استمرار المجلس العسكري في قيادة البلاد حتي الانتخابات الرئاسية يونيو 2012

زي ما قريتوا في العنوان بالظبط هو ان المشير قال اننا ممكن نعمل استفتاء شعبي علي استمرارهم حتي انتخابات يونيو 2012 واحنا كشعب عاطفي وجبان انا بتكلم عن الاغلابية اللي ماشيين علي حسب الريح ما يودي الريح ودول اللي عددهم يفوق الملايين يعني بنتكلم في رينج 50 مليون الي 70 مليون وانا منهم طبعا مع ان ميولي ثورية بس ظروف الشغل مخلايني مش عارف اشارك وده بعتبره جٌبن بردك

فهنقول طبعا لازم المجلس يستمر للامن والامان ومش هنقدر علي فراقهم ولو سابونا النهارده مين هيدافع عننا بكره والبلطجية هيطلعوا علينا زي المغول وهتبقي وقعتنا مطينه بطين ده طبعا علي اساس اننا ال 10 شهور اللي فاتو كنا عايشين في سلام وامان ومش حاسيين بالدنيا واللي فيها

ده حتي كمان من كتر الروقان فتحولنا قنوات رقص وهلس واغاني شعبي علي النايل سات ماهي العملية ناقصه



فعلشان مطولش عليكم انتا من الاخر موافق علي استمرار المجلس العسكري في الحكم حتي يونيو 2012 ويعالم هنوصل للشهر ده ولا لا

ولا مش موافق علي استمرارهم وشايف ان يتعمل مجلس انتقالي مدني منتخب مؤقت حتي الانتخابات الرئاسية

الاستفتاء هتلاقوه فوق الموضوع جاوب بنعم او لا

واللي عايز يقول نعم وحابب يفسر قال نعم ليه يقول

واللي عايز يقول لا وحابب يفسر قال لا ليه يقول

ومحدش يحجر علي رأي حد وخلينا هاديين وبلاش انفعلات

وألا انتوا عارفيين بقا


يا شعبي الحبيب الصبور المهاود

http://www.youtube.com/watch?v=B2ZcY...eature=related

[kbarema]

ممكن ارد انا
1- نفس اسلوب النظام القديم البطئ والتاخر في رد الفعل والفصال في المطالب
2- لما لقو فلوس مكتبة اسكندرية مع سوزان ورجعتهم محدش حاسبها ليه هي مش جريمة
3- مش حسنى وسوزان وقعوا للمجلس العسكرى علي تفوضات بالتعامل علي حساباتهم بالداخل والخارج طب محدش راح يسحب الفلوس ليه
4- طب انتوا بتحاسبوا حسنى علي ايه سبتوا 30 سنه وبتحاسبوا علي قتل المتظاهرين طب ما انتوا بتقتلوا متظاهرين يبقه ازاى تحاسبوا علي حاجه انت بتعملها
5- المجلس العسكرى قبل كده يوم ما استلم البلد قال 6 شهور وبقوا سنه ايه اللي يخلينى اصدقهم دلوقتى
6- مش هم عملوا تعديلات دستورية قبل كده ايه اللي خلاهم يفكروا في الوثيقه دلوقتى هو لعب عيال وبعدين اشمعنى دي مفيش عليها استفتاء
7- طب هو الحد الادنى والاقصي وارجاع ارضي الدوله واصلاح المحليات كان محتاج ايه ده يتنفذ في شهر ايه اللي ماخرهم لو هم عاوزين اصلاح
8- وبعدين المشير قال قبل كده احنا حمينا الثورة وانتو متعرفوش احنا انطلب مننا ايه وبعد كده راح المحكمه يشهد قال حسنى مامرش بقتل المتظاهرين امال هو الجيش حمى الثورة من مين

[mar mar]

لا لالالالالالالالالالالالال الالالالالالالالالالالالا لالالالالالالالالالالالال الالالالالالالا

[kbarema]

وبعدين لما يحصل مشكله مع مدرس ولا موظف بتشتكيه لمديره طب لما يون الشكوي من المجلس العسكرى نقدمها لمين؟
مفيش حد يبقي علي الاقل افهم المجلس انو مش عاجبنى تصرف معين طب هعمل كده ازاى يبق هروح ميدان التحرير عشان بس افهمه انى مضايق يقوم هو لمجرد انى بعبر عن رايي يقتلنى ويضربنى طب ازاى
وبعدين دا احنا معملناش استفتاء علي الريس اللي هو كان اتخن واحد في البلد هنعمل استفتاء علي المجلس؟!!!!!

[abu_ruqayyah]

نعم
ثم بعد انتهاء الفترة المحددة بحيث تتم انتخابات مجلس الشعب و يضعوا الدستور
تقام الانتخابات الرئاسية فى موعدها الذى تم تحديده
وبعد كدا
لاااااااااااااااااااااااا ااااااااااااااااا
ولو لم يتم تسليم السلطة هروح اتظاهر واعمل اعتصام فى مدينة 6 اكتور او فى اى مكان
لا يعطل مصالح عباد ربنا