عاوز اجنط 14 . تنصحونى بايه؟

[ENG.Bahaa Nagy]

السلام عليكم ورحمه الله وبركاته

زى ماهو باين ف العنوان انا عاوز اجنط 14 . عربيتى فيرنا 1600

اولا كنت عاوز اعرف الجنط ال14 هيأثر ع العفشه زى ماسمعت ولا عادى؟لانى لسه جاى من عند واحد بتاع جنوط حسسنى ان ال14 ده هيدمرلى العفشه كانى بتكلم عن جنط 17 وهل كلامه صح ولا هو بيبالغ ؟

. وحابب اعرف ايه افضل نوع جنوط وافضل نوع ومقاس كاوتش والاماكن المضمونه اللى اشترى منها كل الحاجات دى ..والاهم من كل ده اعرف ازاى ان الجنط ده صينى ولا اندونيسى

للعلم انا م الزقازيق وكل يوم ف مدينه نصر وحابب اعرف الاماكن اللى اشترى منها ف الزقازيق او اى مكان ف القاهره مش شرط مدينه نصر بس

اتمنى سرعه الرد لان الكاوتشات عندى بتجيب اخرها وانا ماسكها بالعافيه

[memodina1]

والله هتندم لو جت جنط اسبور ممكن لو سمحت تدور كويس فى المنتدى عن اثار الجنط الاسبور حتى 13 عن الفيرنا بالذات صدقنى هات جنوط حديد يابانى فى حدود الف جنية 14 وهات كوتش نظيف 14 لانى الفيرنا الاتوماتيك بتنزل ب 14 صدقنى هتحس انى بقت عربية ممتعة

[ENG.Bahaa Nagy]

لو عندك لينك لموضوع بخصوص الحوار ده ياريت تجيبه بعد اذنك لانى هتوه ف المنتدى عشان اجيب الموضوع ده .. وبعدين ايه الجنط اليابانى ده واجيبه منين ؟

[ENG.Bahaa Nagy]

محدش رد تانى ليه ياجماعه ؟!!!

[memodina1]

معلش اخى على التاخير
بس صدقنى احنا هنا جربنا كل حاجة وكل الجنوط ولعلمك لو هتجيب جنوط لازم تجبلها حلية عند الخراط وحوار ملوش لزمة وهتحش برعشة فى الدريكسيون وحاجة ارف صدقنى
بالنسبة للجنط اليابانى اللى هو الحديد زى مثلا جنوط الحديد بتاعت اللانسر بومة دى يابانى فاهمنى ودا افضلهم