ركبت بطارية بنديكس في عربيتي الفيرنا

اول مره احس اني عملت حاجه في العربية عندي هيه اني غيرت البطارية بعد تعب وشقي 4 سنين في عربيتي مدام فيفي

وطبعا انا اجازتي الاحد ولفيت علي حد بتاع بطاريت كلهم قافلين وكان في نيتي شراء بطارية اس ديلكو بس لقيت الناس بتقولي خلي بالك علشان اغلبية اللي موجود في السوق مغشوشه

المهم لفيت لحد ما روحت للروماني اللي في السواح لقيت عنده نوع اندونيسي اسمه تيتانيوم وقالي هاخد منك القديمة وهتدفع 400 جنيه

قولتله يفتح الله

المهم لفيت كدا شوية جنب سور المخابرات لحد ما لقيت محل وانا ارتحتله الصراحه وناس محترمه جدا معرض اسمه الاسلامين لتجارة البطاريات

ملقتش عنده اس ديلكو قالي عندي نوع ممتاز اسمه بينديكس ايطالي 2*1 قولتله يعني ايه 2 في واحد قالي يعني جافة وسايله في نفس الوقت

وقالي والله نوع نضيف جدا ولسه نازله وجبتها انتاج شهر 11 /2011 يعني لسه بشوكها

وقالي جربها وعلي ضمنتي وضمانها سنة

وخد مني القديمة واداني الجديدة ودفعت 350 جنيه

البطارية 70 امبير وحسيت ان عربيتي بقيت تدعيلي بعد ما ركبتلها البطارية بعد ما كانت بتدعي عليا

[abko74]

المشاركة الأصلية كتبت بواسطة corsair اول مره احس اني عملت حاجه في العربية عندي هيه اني غيرت البطارية بعد تعب وشقي 4 سنين في عربيتي مدام فيفي وطبعا انا اجازتي الاحد ولفيت علي حد بتاع بطاريت كلهم قافلين وكان في نيتي شراء بطارية اس ديلكو بس لقيت الناس بتقولي خلي بالك علشان اغلبية اللي موجود في السوق مغشوشه المهم لفيت لحد ما روحت للروماني اللي في السواح لقيت عنده نوع اندونيسي اسمه تيتانيوم وقالي هاخد منك القديمة وهتدفع 400 جنيه قولتله يفتح الله المهم لفيت كدا شوية جنب سور المخابرات لحد ما لقيت محل وانا ارتحتله الصراحه وناس محترمه جدا معرض اسمه الاسلامين لتجارة البطاريات ملقتش عنده اس ديلكو قالي عندي نوع ممتاز اسمه بينديكس ايطالي 2*1 قولتله يعني ايه 2 في واحد قالي يعني جافة وسايله في نفس الوقت وقالي والله نوع نضيف جدا ولسه نازله وجبتها انتاج شهر 11 /2011 يعني لسه بشوكها وقالي جربها وعلي ضمنتي وضمانها سنة وخد مني القديمة واداني الجديدة ودفعت 350 جنيه البطارية 70 امبير وحسيت ان عربيتي بقيت تدعيلي بعد ما ركبتلها البطارية بعد ما كانت بتدعي عليا

انا مركب بندكس من شهر 7 اللي فات للعربية الكانشيل 40 وات و شغالة لوز اللوز

[karem ali]

و الله انا كمان يا احمد عاوز اجيب بطاريه جديده على شان دودى و كنت سئلت على نوع المانى بس مش فاكر اسمه ايه و قالى هياخد القديمه و ادفع 450 جندى بس هى 60 امبير بس

[zema]

الف مبروك يا كورسير باشا

المشاركة الأصلية كتبت بواسطة abko74 انا مركب بندكس من شهر 7 اللي فات للعربية الكانشيل 40 وات و شغالة لوز اللوز

زي الفل يا زعيم وربنا يديك خيرها بس 40 مش شايف انها قليل شوية

المشاركة الأصلية كتبت بواسطة karem ali و الله انا كمان يا احمد عاوز اجيب بطاريه جديده على شان دودى و كنت سئلت على نوع المانى بس مش فاكر اسمه ايه و قالى هياخد القديمه و ادفع 450 جندى بس هى 60 امبير بس

لا خليك في ال 70 امبير افضل يا كرميله

المشاركة الأصلية كتبت بواسطة zema الف مبروك يا كورسير باشا

الله يبارك فيك يا زيما