محتاج افهم

[mr_astra]

عاوز اعرف انا فهمت صح ولا غلط
امبارح كنت بتفرج على الجزيرة مباشر وتحديدا كلمة الشيخ ابو اسماعيل وبعد اما الكلمة انتهت قلت دة انسب وقت اشوف فية الاعلام الرسمي بيحكى فى اية
نقلت الى القناة الاولى لقتها بتتكلم عن ماتش مصر والبرازيل وحصاد الاسبوع وكلام فارغ من دة لكن فى شريط الاعلان اسفل الشاشة لقيت خبر عاجل
نقل حركة تبادل القطارت من رمسيس الى الجيزة
عاوز اعرف الخبر دة بيعنى للكثير اية دى اولا
ثانيا لية بالتحديد فى الوقت دة عملو القرار دة وكلنا عارفين طبعا ان الحكومة زمان اما كانت تحب تغلى البنزين مثلا تختار وقت الشعب مشغول فية بحاجة مهمة او ماتش كورة او خبر صغير فى الجرائد يوم الخميس باليل

[AbOnOrA]

انا معرفش برضو !!!

[ahmed_gamal777]

انا معاك فى كل ما قلت
ودائما اعمل تلك المقارنات(هات مرة احدث مولعة مثالا فى التحرير واتفرج على الجزيرة او العربية او بى بى سى عربية او حتى فرنس دى كتر بالعربية تلقى النا س بينقلوا الخبر بكل
مصدقية وسخونة وانقل فجاة على النيل للاخبار تلقى كاميرا جايب المنظر من بعيدددددددددددددددددد ومن غير صوت وكان الدنيا لوز لوز يعنى ناقص تشغل مزيكا هدية كخلفية )

يارب المسئولين يفوقوا بقى ويعرفوا ان الاخبار اهم حاجة فيها السرعة والمصدقية

اما بالنسبة لموضوع نقل حركة القطارات على قد ماهو موضوع فستك عشان يجى خبر عاجل

ولكن مهم جدا بجدا (من فترة كان عند ضيوف مسافرين وكان فى مشكلة برضة فىمسورة مياة
بوظت التجديدات فى رمسيس اللى اتكلفت 170مليون جنية والناس اتعطلت عن سفرها 12 ساعة
وانا طلع تييت اهلى فى ركن السيارة وحمل الشنطة والمترو ثم الذهاب الى الجيزة وربنا ما يوريك )

[lost2008]

يمكن عشان يعلمونا الادب و يعذبو فينا شوية, مش عارف بصراحة ليه القرارات العشوائية ديه, اما بالنسبة للقناة الاولى و اخواتها لسه متعلموش حاجة و اكيد كلنا فاكرين وقت ثورة 25 يناير البهوات كانو عارضين صورة الميدان و الكورنيش فاضيييييييين و اخر روقان كان ناقص بس شوية حبيبة يتمشو و يستمتعو بالهواء العليل, واضح ان الاعلام عندهم لسه عايش فى الستينيات من القرن العشرين ايام الاعلام الموجه.

[abu_ruqayyah]

الاعلام لازم ينقل الصورة بدقة وبمصداقية وخصوصا لو كان اعلام وطنى بس خلونى اقولكم حاجة ساعات بحس بيها والله ..........ساعات بحس انى تعبت نفسيا جدا وعايز افك عن نفسي شوية واروح جايب اى قناة تانية افرح بيها الولاد شوية عشان مش كل يوم ارجع من الشغل افتح الاخبار ومظاهرات وقتل واعتراضات و اللى نبات فيه نصبح فيه ونعيد ونزيد فى نفس الكلام ، كمان بقول فى نفسي الحمد لله ان القنوات بتاعتنا مش بتعمل زى الجزيرة او القنوات التانية عشان ما تزودش الاحتقان الموجود والدنيا ما تخربش والناس تهيج اكتر ونلاقي كله بيضرب فى كله ..........ربنا يسترها يارب ويصلح بلدنا سواء اعلام او حكومة او شعب