ضرورى : سؤال عجيب للناس اللى صاحيه

[Ceasar]

انا عايز اعمل صيانه ال 1000 كيلو للانسر شارك ف التوكيل هما بيبقوا فاتحين الجمعه ولا لا لانى مش فاضى بقيه الايام :D

وايه هيا صيانه ال 1000 وهدفع فلوس ولا هيا مجانيه فعلا وأخد بالى من ايه لان دى اول مره اعمل صيانه

[shooter123]

انا صاحي اه لكني مش حعرف افيدك اوي بس معتقدش ان في حاجة ببلاش غير العمي والطراش يعني اكيد حتدفع يا باشا
اما بخصوص العمل يوم الجمعه برده اظن انهم شغالين وممكن تتصل بيهم من ارقامهم الموجودة علي كتالوج العربية

[غريبو99]

صيانة ال 1000
- كشف على الزيوت باور - فتيس - فرامل
- كشف على المياة
- تربيط عفشة
- ممكن زيت وفلتر

بس نصيحة متغيرش زيت ولا فلتر لأنة هيقلك العربية جديدة ولازم تغير الزيت والفلتر علشان الشوائب اللى فى المكنة بعد ال1000 وهيعملك قصة خايبة

المفروض صيانة ال 1000 مجانى متدفعش حاجة

وشكرا

[firstknight_eg]

مهو لو ما دفعش مش هيغيروله زيت زفلتر، وعموما طلعلهم القطط الفطسانة في العربية يعني قول اللي عندك العربية عايزة ترصيص، زبط زوايا...الخ انتهز فرصة ابو بلاش ، عشان هما لما هيمسكوك مش هيرحموك، جرب في الصيانة اللي بعدها تقول عاوز اظبط زوايا هيرزعك مبلغ خرافي، وفي الاخر هتاخدها زي ما هي

[ahmed_eng2001]

انا مش متأكد اذا كانوا فاتحين يوم الجمعة ولا لأ ... الصيانة مجانية فى المصنعية .. بس حضرتك حتدفع تمن الزيت و الفلتر كمان ..... و اكد على الحاجات الى انت عاوزها تتعمل و بتشكى منها ... شيك على شحن التكييف .... علشان الأساتذة الى فى الصيانة حيطنشوا على كل التشيكات الى لازم يعملوها طالما انت لو تذكرها