كل يوم الاقى نقطة او نقطتين زيت تحت العربية

[egyman83]

كل يوم الاقى تحت العربية قبل ما امشى بيها الصبح ولما اروح الشغل واركنها بردة نفس الحكاية الاقى نقطة او نقطتين زيت حتى لو اتركنت ساعة وعلى فكرة الزيت ما بيقلش انا متابعة على طول المكانيكى قلى متقلقش ممكن تكون بتعرق
العربية نوفا 2001 انا جا يبها من شهرين

[sayedmax]

وأنا كمان يا مان عندى نفس المشكلة
منتظر الرد

[AMMI]

غالبا الزيت ده من كاوتشة الكوبلن اللى خارجه من الفتيس او من الطبه بس غالبا هتلاقيها من كاوتشة الكوبلن

[هريدى]

ولو كاوتشه الكوبلن زى ما حضرتك بتقول فى ضرركبير ولا لا لحسن ان عندى نفس المشكله فى ال128

[HaMaDa-ToUBaR]

شوف يا باشا انت لازم الاول تنزل تحت العربية وتشوف الزيت بيجى منين .. الموضوع مهواش صعب علشان نعد نفكر بيجى منين ... لان مفيش غير 3 احتماالات

1- طبة الزيت او الجوان بيعرق
2-ممكن يكون زيت باور عن طريق الجلد بتاعة الاسكترا
3-ممكن يكون زيت الفتيس

لازم تنزل تحت العربية وفى ثانية هتعرف الزيت جاى منين ... وممكن كمان تشوف نقطة الزيت الى نزلت دى .. زيت اسود زيت مكنة يعنى او زيت احمر زيت باو او زيت فتيس وان شاء الله خير

وبعدين نصيحة منى ليك بلاش تتعامل مع الميكانيكى دة تانى ... يعنى اية اروح للميكانيكى واقولة بلاقى نقط زيت تحت العربية ويكشفلى ع القياس من غير ما ينزل تحت العربية !!!!!