تجربة زيوت Total - زيوت توتال مع البولو

[look344]

السلام عليكم

ادخل فى الحوار بسرعة

انا كنت قررت من فترة والحمد لله انى اظبط شوية فى البولو
اول حاجة رحت من 3-4 ايام نزلت المية العادية تماما من الريداتير وغسلت الريداتير فى البنزينة بالغسالة ونفخ هوا فى الريداتير وتنفيض التراب تمام وضح هوا مع الماء فى الريداتير - دور نضافة جامد يعنى
بعد كدا حطيت ميه حمرا من شل تمام

دور يعم دورت وانتظرت لمدة 15 دقيقة عقبال ما مؤشر الحرارة يتحرك ؟
معقولة الكلام ده ؟
ايوا المياه الحمراء فيها مادة تمتص الحرارة وتساعد على تقليل حرارة الماء
المهم ان العربية مبقتش تقريبا بتوصل الـ 90 فى الزحمة بدون مروحة الريداتير ما تشتغل
وقبل كدا كنت لغيت سرعة المروحة الاولى وخليت السرعة العالية فقط هيا الى تشتغل علشان تبرد اسرع
دلوقتى المروحة بتشتغل فى عز الزحمة نقول 20 دقيقة وقوف يدوب مرتين بس كل مرة حوالى 60 ثانية وشكرا

يارتنى كنت حطيت ميه حمرا من زمان

تانى حاجة من يومين كان ميعاد تغير زيت العربية
وقررت بردوا والحمد لله انه يكون تخليقى 10 الف كم
ويكون بعيد عن المسميات التجارية وموبيل
بعد قراءة مستفيضة قررت انه يكون يا لكوى مولى او توتال
المهم المعياد كان امبارح وتوكلت على الله وجبت توتال 10 الف كم بـ 260 جنيه


وقلت للراجل يكشفلى بالمرة على زيت الفتيس
قالى يفندم الخدمة فى المركز عبارة عن كشف زيت باكم - زيت باور - ماء الريدياتير - ماء البطارية - تنظيف هوا للريداتير - ولو تحب نقيس كبس الموتور اوكى نقيسه - وبردوا زيت الفتيس

طيب بكام القياسات دى كلها ؟ ببلاششششششششششششششششششششش ششش
اوك ببلاش طيب ادينى كل ده بقا
بالفعل والله كشف على كل ده من غير ولا مليم

وطلع زيت الفتيس وبامانة ربنا حولى كوباية فى الكرتيرة
يعنى الحمد لله على كل شىء وبقت السوايل كلها تمام

رحت حاطط 3 عبوات ونص عبوة زيت فتيس 80-90 توتال للفتيس
وقلت لما اجرب مش خسران حاجة كدا كدا كنت محتاج زيت فتيس بدل
المهم العبوة بـ 19 جنيه خت 4 والنص عبوة الى تبقى كنا نضفنا بيه الفتيس فى الاول

يعنى 260 زيت + 76 زيت فتيس 4 عبوات + 40 فلتر المانى = 363 وبصراحة قلت لازم اكرم الراجل الى عمل الشغل كلو لانه محترم وكفاية قياس كبس الموتور

المبلغ كتير ؟

طيب اقولك بقا
اكتشـــــــفت

نسبة صوت الموتور قلت بنسبة 40% ر والله كنت بدوس ار بى ام 4 علشان اسمع صوت ار بى ام 2 قبل الزيت ده والسحب زاد بنسبة 10% اعتقد
وبالنسبة للفتيس
طلعت عالدائرى اجرب الخامس اصله كان بينطر من مكانه ( محتاج غويشة وحوار كدا )
الغيار مفكش من مكانه تانى وفضلت حوالى 10 دقائق دايس على الخامس مع المطبات المشهورة فى الدائرى الى بتفك الغيارات والحمد لله النتيجة كانت 100 / 100 مع الزيوت دى قلت بنهار ابيض يعنى قلة زيت الفتيس هيا الى كانت بتفك الخامس ؟ بس الفتيس نعم بصراحة اكتر

الخلاصة :
المركز دى اسمه fixandrun وهو مركز بريد جستون فى شارع المنيل وفيه قسم جديد لزيوت توتال وانا كنت بعدى عليه وانا جاى من الشغل وقلت انزل اسال وسالت من فترة لحد ما غيرت عندهم الزيوت

سالت الراجل بردوا عن ان كنت احط اضافة ترمنت اويل مع تفويلة الزيت الجديدة
طلع لى البرشور بتاعهم وقالى اقرآ ده المهم ان لا يستحب وضع اى اضافات مع زيوت توتال

[memodina1]

والله الواحد بيفرح اوى لما يعمل حاجة ويحسها فى العربية ههههه ربنا يباركلك فيها وكل سنة وانت طيب بس لو متجوز وعندك اولاد يبقى لازم تفسحهم حسسهم بقى انى العربية بقت تمام

[look344]

: balloons71::b alloons71::ba lloons71:


كل سنة ونت طيب وبالف صحة وسعادة وسلامة
وان شاء الله فسحة الاولاد بتكون طوالى بمناسبة وبدون وفى الاعياد اصلا ههههههههههههه مقولكش
وكل سنة وحضرتك طيب والاسرة الكريمة بالف خير وصحة وسعادة

[mizohegazy]

السلام عليكم ورحمه الله وبركاته
يا باشا ربنا يديك خيرها ويكفيك شرها ومتشكرين غلى النصيحه الغاليه وياريت اى حد عند خبرات مع الاماكن اللى زى كده يقولنا عليها وكل سنه وحضرتك طيب

[look344]

وحضرتك طيب وبالف خير وصحة وسعادة يارب