|
#1
02-11-2011, 01:20 AM
|
|||
|
|||
مشكلة في الفيرنا
انا معايا فيرنا 2011 1600 كاملة بقالها كام شهر وهيا الحمد له معقولة بس ليا ملاحظة ياريت حد يفسرها ليه ؟؟؟ انا لما بأدور العربية بتدور كويس ومن اول مرة حتى لو كنت راكنها يومين ..... وبرضه نفس الكلام لو كانت دايرة ورحت بيها كام مشوار وطفيتها وقمت مادور العربية بس في الحالة الأخيرة ده ساعات بتحصلي حاجة غريبة بعد ما روح بالعربية كام مشوار وبعدين أطفيها وبعد كده بثواني بسيطة أروح مدور العربية بأحس ان المارش بينحر معايا يعيني زي ما يكونصوت نحنحة واحد عنده احتقان في الزور وهيا بتدور بس بتدور من أول مرة هيا النحرة بس يعني مافيش اي تعتيلة ومحدش يقولي انت ايدك تقيلة على المفتاح لأنه الحكاية ما بتحصلشي معايا لما اكون راكنها واو مطفي العربية لمدة حتى لو 5 دقائق ورحت مدورها وبأقول ساعات بتحصل الحكاية ده مش على طول .... معلش طولت عليكم بس الحكاية ده مجنناني شوية وهل ده غلط على العربية وأقولهم عليها في التوكيل ولا ده طبيعي وومن يحصل وحصلت معاكم .... وشكراً
|
|
#2
02-11-2011, 04:22 AM
|
||||
|
||||
|
رد: مشكلة في الفيرنا
طبعا لازم يحصل كدة وفى طريقة تتاكد منها كمان بص درو العربية نصف دورة يعنى ازاى اقولك لمس المارش يعنى دور بالمفتاح وقبل ما تلقط وتدور افصل المفتاح وعلى طول ارجع دور كدة هتلاقى النحرة اللى بتتكلم عليها ودا مش عيب المارش ولا حاجة انا اقولك
الاول الصح اللى تعملة عشان تحافظ على العربية حط المفتاح هو تكتين اول تكة on وبعدها ass اللى هى التدوير انت تعمل اية بقى عشان تبقى صح اقولك حط المفتاح جيب على onاستنى 3 ثوانى بس او تانيتين طبعا مش هتفرق معاك دى ثوانى وبعدها دور مش هتلاقى الصوت دا بيظهر خالص جرب وقولى اما السبب بقى انى انت لما تنتظر حوالى 3 ثوانى بتدى للطرمبة البنزين وقت ترفع البنزين وتعوض الماتور عند التدوير لذلك لو انت ماشى بالعربية وبطلت منك فى مطب ولا حاجة ودورت على طول وراها العربية هتدور عادى بس هتحس بشدة كدة او هتغيب ثوانى بسيطة اوى لحد ما تلقط وتدور واى استفسار انا معاك وياريت تقولى عملت اية عشان افيدك لانى الفيرنا عربية كويسة جدا مشكلتها لو وديتها لواحد يلعب فيها مش هترجع زى ما كانت فانت راجع معايا وقولى اية الاخبار
|
|
#3
02-11-2011, 09:40 PM
|
|||
|
|||
|
رد: مشكلة في الفيرنا
اولا الف شكر اخي العزيز هيا فعلاً بتحصل لما اكون لسة جاي من مشوار ورحت مطفي العربية وانتظرت ثواني ودورت العربية بتحصل النحرة ده ساعات مش على طول فأنت اخي طمنتني لأن العربية عجباني ومش عايز حاجة تجنني وهيا لسه جديدة لأ في واحد افتى ليا وقالي ده ترس البندكس بتاع لمارش بس انا مش مقتنع بالكلام ده
|
|
#4
02-11-2011, 09:58 PM
|
||||
|
||||
|
رد: مشكلة في الفيرنا
العضو الكريم :elsheikh2010 اولاً الف مبروك العربية
حفظك الرحمن وحفظ طريقك من كل سوء ثانياً كلام العضو الكريم :memodina1كلام صح 100% استمتع بسيارتك والتزم بالصيانات الدورية فى مواعيدها ان شاء الله تجد كل الخير والسعادة والعمر الطويل لسيارتك 
__________________
|
 |
|
|
