افيدوني عشان محتار

[scobedo]

السلام عليكم "
انا مقبل على الشراء بجد ومحتار بين الهوندا السيتي 2011 ( 2012 لسة منزلتش ) هاي لاين وثمنها 137 الف وكماليتها معقولة وياباني .

وبين السيراتو2012 هاي لاين وثمنها 140 الف وفيها كل الكماليات اللي بتحلم بيها بس كوري .

[محمود زيزوو]

بجد الهوندا عربيات محترمة جدا جدا بس من وجهة نظرى السيراتو تكسب لية بقى علشان قطع غيار كتير جدا جدا وطبعا اعادة بيع هايلة جدا جدا هنيجى بقى للهوندا عربية ملهاش حل جميلة جدا جدا
وفخمة جدا جدا بس قطع غيار نار واعادة بيع مش كويسة لو قطع الغيار مش هتفرق ولا اعادة البيع يبقى خاليك فى الهوندا لو هتفرق معاك يبقى خاليك فى السيراتو وربنا معاك

[seaf_sawy]

السلام عليكم هوندا طبعا مينفعش نقارن اسد بقرد حرام وبعدين هو الواحد بيشترى العربيه علشان يتمتع بيها ولا علشان يبيعها ويفضل يانب نفسه انه ماشتراش اللى نفسه فيه وكل ماتمشى جنبيه العربيه يتحسر عليها

[محمود زيزوو]

المشاركة الأصلية كتبت بواسطة seaf_sawy السلام عليكم هوندا طبعا مينفعش نقارن اسد بقرد حرام وبعدين هو الواحد بيشترى العربيه علشان يتمتع بيها ولا علشان يبيعها ويفضل يانب نفسه انه ماشتراش اللى نفسه فيه وكل ماتمشى جنبيه العربيه يتحسر عليها

وبردة لو عندة مشكلة غلاء قطع الغيار ممكن يقول لنفسة كل لما يعمل حاجة العربية يقول يارتنى كنت جبت ودى بردة بترجع لمقدرتة على شراء العربية يعنى مروحش ادبس راجل فى عربية وفى الاخر يدعى عالية لازم اقولة الحلو والوحش وهو بقى يشوف مقدرتة اية هل هيقدر يتحامل الكلام دة ولا لا ويقرر 222

[scobedo]

المشاركة الأصلية كتبت بواسطة محمود زيزوو وبردة لو عندة مشكلة غلاء قطع الغيار ممكن يقول لنفسة كل لما يعمل حاجة العربية يقول يارتنى كنت جبت ودى بردة بترجع لمقدرتة على شراء العربية يعنى مروحش ادبس راجل فى عربية وفى الاخر يدعى عالية لازم اقولة الحلو والوحش وهو بقى يشوف مقدرتة اية هل هيقدر يتحامل الكلام دة ولا لا ويقرر 222

يا جماعة متشكر جدا بس ياريت بلاش قردة واسد والكلام ده انا عاوز الكلام يبقى مركز على العربيات اللى بنقارن مابينها وارجو توضيح الفرق بين السيارتين من حيث الإعتمادية وتوافر قطع الغيار وخاصة للهوندا وايه عيوب السيراتو