|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
29-10-2011, 11:26 AM
|
|||
|
|||
هو مفهوم الفول اوبشن اتغير ولا ايه ؟
السلام عليكم
دا سؤال سألته لنفسي لما شوفت الامكانيات دي في عربية " ليجزيس " ومعظم الامكانيات دي في العربيات البي ام والمرسيدس الجديدة الامكانيات الي فهمتها كالتالي : جي بي اس تاتش متفوق سنسور ركن " ودا بيركن لوحده في العربيات البي ام كل الي عليك انك تقوله عايز اركن وتسيب العربية تركن نفسها . سنسور حوادث " ودا في حالة ان العربية هتخبط او هتتخبط يقوم الكمبيوتر بحساب اامن مكان ممكن العربية تروحه و يروحه اوتوماتيك سنسور اقتراب من السيارة الي قدامك " يعني لما يجي جسم قدامك على بعد معين يديك انذار رادار ليلي " يعني وانت سايق العربية بتعمل مسح بالاشعة تحت الحمراء وتبينلك لو في اي كائن حي على محيط واسع من العربية بحيث انك تبقى عارف لو في حاجة ممكن تظهر فجأة سنسور مطبات " ودا بيعمل مسح للشارع قدامك ويبينلك لو في مطب او منخفض في الطريق قدامك سواء بالليل او النهار سنسور رجوع في المرايات " يعني لو انت راجع من بين عربيتين ومش شايف الطريق السنسور دا فايدته يعرفك لو في عربية معدية متخبطلكش الشنطة . سنسور امان للخروج من الحارات " والسينسور دا فايته انك لو هطلع فجأة من الحارة الي انت فيها لحارة تانية يحسبلك اذا كان في عربية جاية بسرعة في الحارة الي عايز تروحها ودا بيظهر عبارة عن سهم احمر في المراية سنسور نوم " ودا سنسور باصص عليك طول الوقت ولازم تكون باصص قدامك ولو نمت يديك انذار يصحيك سنسور خطوط الاشارة " ودا مخصص للسفر و فايدته لو انت مسافر بيمشي مع الخطوط المتقاطعة المرسومة على الارض وانت بقى تريح وتسيب العربية تسوق نفسها وفي حالة ان عربية قربت منك من قدام او ورا او الخط مبقاش واضح يديك انذار سنسور للتكيف " ودا فايدته انه بيوزع الحرارة على حسب درجة حرارة الناس الي راكبة في العربية ويدي لكل واحد درجة الحرارة المناسبة وكمان لو الشمس ضاربة في حتة في العربية فالتكييف يركز في المكان دا مرايات بتعتم اتوماتيك " ودا في حالة لو حد ضاربلك نور عالي او ضوء الشمس ركز على المراية تعتم لوحدها مانع سرقة والعربية تبطل لوحدها لو اتسرقت وتبعتلك احداثياتها والمكان الي وقفت فيه كراسي بالمساج " يعني وانت سايق الكرسي يهزهزك ويدلعك كراسي بالدفاية " يعني الكرسي يدفيك كراسي بالميموري " ودا لو اكتر من واحد بيسوق العربية فكل واحد يظبط القعدة الي تريحه على رقم ولما يركب كل الي عليه يسترجع وضع الكرسي الي ظبطه من نفس الزرار معظم الحاجات تاتش جوة كاوتشات غير قابلة للثقب دا غير بقى الحاجات الي في عربيات كتير زي التلاجة و السخان والتابلت الي بتكتب او ترسم عليه من غير ما يتهز وانت ماشي والكراسي الي بتغير وضعها وكمبيوتر الاعطال الي بيوريك العطل فين او اي مشكلة تظهر دا غير ان في امكانية زيادة في عربية ستروين بتقول انك وانت سايق وعايز تعرف سرعتك او اي معلومات من العدادات تظهرلك بالليزر على الازاز قدامك علشان متضيعش ثانية تبص فيها على العدادات لان في خطورة ممكن تحصل خلال الثانية دي لو انت ماشي على سرعة عالية وحاجات تانية كتير مش فاكرها او مفهمتهاش والحمد لله نزلت بصيت على عربيتي الفااارهة ال 128 وقولت بكل ثقة " السنسور في الراس مش في كراس " وشكرا 
|
|
#2
29-10-2011, 11:34 AM
|
||||
|
||||
|
رد: هو مفهوم الفول اوبشن اتغير ولا ايه ؟
ههههههههههههههههههههههههه هههههه جااااااااااااااامد جدا جدا انت كدة جبت من الاخر وقولت الخلاصة السنسور فى الراس يا معلم
صباحك فل
__________________
 HaMaDa-ToUB@R 01000902024 
|
|
#3
29-10-2011, 11:46 AM
|
||||
|
||||
|
رد: هو مفهوم الفول اوبشن اتغير ولا ايه ؟
خلاص كفااااااااااااااااااااااا ااااااااااايه
انا اتعقدت خلاص 
|
|
#4
29-10-2011, 05:44 PM
|
||||
|
||||
|
رد: هو مفهوم الفول اوبشن اتغير ولا ايه ؟
ههههههههههههههههههههههه واجمد حاجه دى
سنسور خطوط الاشارة " ودا مخصص للسفر و فايدته لو انت مسافر بيمشي مع الخطوط المتقاطعة المرسومة على الارض وانت بقى تريح وتسيب العربية تسوق نفسها وفي حالة ان عربية قربت منك من قدام او ورا او الخط مبقاش واضح يديك انذار
__________________
قل لن يصيبنا إلا ما كتب الله لنا
|
|
#5
29-10-2011, 05:58 PM
|
|||
|
|||
|
رد: هو مفهوم الفول اوبشن اتغير ولا ايه ؟
يبقى أنا فايدتى ايه لو انا ركبت عربيه بالمواصفات دى ؟؟
حقيقى حاجه تعقد!! بس ناقص ان حاجه تغسل لى وشى بعد النوم ههههههههههههههههههههههههه ههههه وشكرا على المعلومات الرائعه دى
|
|
|
|
