يعني أيه دولة مدنية بمرجعية أسلامية؟

[الدملاوي]

يعني يكون أول واحد حط قواعد ...وأسس الدولة المدنية الحديثة وأول واحد ينشأ مؤسسات في الدولة هو سيدنا عمر بن الخطاب مش واحد من بتوع فصل الدين عن السياسة !!

يعني الخليفة العباسي هارون الرشيد يكون بيحج سنة ويجاهد سنة ويصلي الفجر بوضوء العشاء وعشان كده الدولة في عصره كانت الأقوى والأغنى و الأكثر رقيا وتطورا في العالم كله ونلاقي حد اليومين دول يقول عليه إنه كان بتاع نسوان !!

يعني الشخص اللي يكون مسؤول عن إدارة الموارد المالية للدولة الأموية بدرجة وزير هوا منصور بن سرجون المسيحي ومحدش قال عليه ساعتها ده مينفعش عشان مسيحي .
يعني لما يجي عمر بن عبد العزيز يستلم الحكم يلغي حراسته الشخصية ويخليها لحراسة الشعب لإن مرتبات الحراس هيتحاسب عليها يوم القيامة .

يعني السلطان سليمان القانوني يأمر فرنسا إنها تمنع حفلات الرقص الماجنة عندها إحتراما للأخلاق العامة وفرنسا تمتثل ومتقدرش تقوله تلت التلاتة كام

يعني في يوم من الأيام تكون أمريكا هيا اللي بتدفع لليبيا "جزية سنوية" عشان ليبيا بس تسمح لأسطولها يمشي في البحر المتوسط:

يعني يكون القرصان الشهير "بربروسا" اللي بيطلع في الأفلام الأمريكية ذو اللحية الحمراء هو أصلا المجاهد خير الدين بربروسا قائد الأسطول الجزائري اللي كان بيحارب القرصنة البرتغالية والأسبانية في البحر المتوسط !!!

يعني يكون أكبر تمثيل للمرأة في أي حزب أو قوة سياسية هوا في حزب الحرية والعدالة وبعدها نسمع حد يتهم الإسلاميين إنهم بيهضموا حقوق المرأة !!

يعني لما أهل سمرقند يروحوا يشتكوا للخليفة إن قتيبة بن مسلم مأنذرهمش قبل ما يفتح المدينة فيكلف قاضي للتحقيق في الموضوع ويحكم القاضي فعلا بخروج الجيش من المدينة لأهلها فيخرج أعظم جيش في العالم ساعتها من المدينة تنفيذا لحكم قضائي فيسلم أهل سمرقند كلهم ويفضلوا مسلمين إلى يومنا هذا .

يعني تبقى أحسن أمة صناعية وزراعية وتجارية وعلمية وفي كل المجالات التانية وتكون مُصدّر ومنتج مش مُستورد ومُستهلك .:

يعني يأمر الخليفة بنثر الحبوب على رؤوس الجبال عشان ميتقالش إن الطير جاع في بلاد المسلمين ونلاقي أمريكا رمز الحضارة الغربية فيها جوعى بالملايين مش لاقيين ياكلو

يعني يكون كل همك إزاي تنمي بلدك إقتصاديا وإزاي تخليها رائدة صناعيا وزراعيا وإزاي تشيلها من الفقر والتخلف اللي هيا فيه وميكنش كل همك وإهتمامك الستات هيلبسوا ولا هيقلعوا ولا إزاي هتفرفش عن الناس وتعملهم سهرات حمرا وهما مش لاقيين ياكلوا !!

يعني غزة لما تكون مرجعيتها إسلامية تصمد في وش حصار ظالم من العالم كله أكتر من 5 سنين وتأسر شاليط وتبدله بأكتر من 1000 أسير ولما تمشي في شوارعها تلاقيها أنضف من شوارع مصر وبعدها تسمع حد يقلك أنا مش عاوز مصر بمرجعية إسلامية أصل أنا خايف !!!!

يعني الإسلام هو الحل مش مجرد شعار بنرفعه عشان نضحك بيه على الغلابة وإنما إيمان راسخ وعقيدة حقيقية إن منهج الإسلام وشريعته هي الحل لإسترداد كرامتنا وعزتنا بين الأمم .

[waelfarid]

لا اله الا الله محمد رسول الله
:TH E_PR~18:

[ref3at777]

مصطلح الدولة الإسلامية ذات المرجعية الإسلامية إبتكرته جماعة الإخوان المسلمين للعب بعقول البسطاء(للأسف الشديد) ,من المعروف أن الدول المحترمة لا تقبل ديكتاتوريات عسكرية كانت أو دينية. تعريف الدولة المدنية :هى الدولة التى يكون الحكم فيها للشعب بطريقة ديمقراطية، ويكون أبناء الشعب فيها متساوين في الحقوق و الواجبات و يحكمها مواطن مدنى لا عسكرى و لا رجل دين و هو يخضع للحساب إذا أخطأ بحق شعبه.أما الدولة ذات المرجعية الدينية (أى دين) فيحكمها رجل دين [كالمرشد الأعلى فى إيران] و [ البابا فى الفاتيكان] و هو يدعى أنه يحكمها باسم الله,و بذلك لا يحاسب مهما بلغت خطورة أخطاءه.

[تامر ديزل]

والله يا اخي رجعتنا للتاريخ الجميل والايام اللي نفتخر بيها فعلا بس هما فين واحنا فين ؟
ربنا يهدينا ويوفقنا واحنا مش عايزين غير الصالح ومحدش عايز يحجر على حرية حد بالعكس
بس الانسان عدو ما لا يعرف ويمكن ده هوا اللي مخوف بعض الناس ولكن فيه غيرهم خايف على مصالحه وتجارته لانها اكيد مصالح وتجارات غير مشروعه ف عمال يصرف ف الاعلام على برامج ومذيعين بيعملوا كل مجهودهم علشان يكرهوا الناس في الحكم الاسلامي ورغم اني مش تيار اسلامي بس يا اهلا بالحكم الاسلامي اذا كان هيحل مشاكلنا ويحقق العدل

[الدملاوي]

المشاركة الأصلية كتبت بواسطة ref3at777 مصطلح الدولة الإسلامية ذات المرجعية الإسلامية إبتكرته جماعة الإخوان المسلمين للعب بعقول البسطاء(للأسف الشديد) ,من المعروف أن الدول المحترمة لا تقبل ديكتاتوريات عسكرية كانت أو دينية. تعريف الدولة المدنية :هى الدولة التى يكون الحكم فيها للشعب بطريقة ديمقراطية، ويكون أبناء الشعب فيها متساوين في الحقوق و الواجبات و يحكمها مواطن مدنى لا عسكرى و لا رجل دين و هو يخضع للحساب إذا أخطأ بحق شعبه.أما الدولة ذات المرجعية الدينية (أى دين) فيحكمها رجل دين [كالمرشد الأعلى فى إيران] و [ البابا فى الفاتيكان] و هو يدعى أنه يحكمها باسم الله,و بذلك لا يحاسب مهما بلغت خطورة أخطاءه.

لا يا أخي الفاضل أسمح لي أن أختلف معك

في الأسلام لا يوجد أصل لدولة الكهنوت والحاكم بأسم الرب

رسولنا الكريم صلى الله عليه وسلم كان ينزل عن رأي كثير من صحابته في كثير من المواقف وهو من هو الذي لا بنطق عن الهوى ولك في أختيار مكان التمركز في معركة بدر مدخلاً لك لمثل هذه الأمور

ولم يذكر لنا التاريخ في أي موضع أي قرار أتخذه أي من الخلفاء المسلمين بأسم الله أبداً

الحكم بأسم الرب والكهنوت وخلافه أمور أبتدعها بطارقة العصور الوسطى في أوروبا ليتحكموا في رقاب الخلق بما لم ينزل الله أبداً

وظلت أوروبا تحت نير الجهل والتخلف والفقر والأنحطاط حتى تخلصت من حكم الكهنوت ولكنها للأسف أتجهت لتحكيم العقل البشري ورفض وجود الله

لا خوف على الأطلاق من تحكيم شرع الله في الأرض فهو من خلقنا وهو من يعلم سرنا ونجوانا

الأسلام هو التوازن المريح والصحيح ليحيا البشر حياة سليمة لله رب العالمين

وشكراً لمشاركتك الثرية