فصل كهربا العربية بالكامل لمنع السرقة !!! افكار !!!!

[haninatoon]

لو سمحت من عباقرة المنتدى عاوز صورة السسلك اللى يفصل تماما العربية مايخليش الماتور يدور عاوز اعملة فيوز لوحدة وكل مااطلع بالعربية اركب الفيوز

اية يعنى افتح الكبوت واركب الفيوز بس الاقى عربيتى ماكان ماسبتها مش اصحى الصبح ماللاقيهاش لسة النهاردة واحد زميلى اتسرقت عربيتة من تحت البيت

ارجوكم عاوز افكاررررررررررر

احسن حل

لو الحل فى جهاز انزار قولولى ماركتة لانى عاوز اشترى واحد وبسرعة

[haninatoon]

اية ياجماعة ماحدش عارف ولا اية ؟؟

طيب فيين الفيوز اللى لو شيلتة العربية ماتدورش
طب فيين فيوز طلمبة البنزيين

[seifmando]

عربيتك ايه

[كيا سيفيا]

المشاركة الأصلية كتبت بواسطة seifmando عربيتك ايه

متابــــع بأهتمـــام

[lawyer9]

أهلا بيك اخى
أنا عامل الأتى وربنا يستر فى الاول والاخر
أولا فيه جهاز اسمه سباى (spy ) دا جهاز صينى بس كويس فى حدود 170 جنيه
بييجى معاه كتاوت الكهربائى هيقولك ملهاش لزمه قول له سلام عليكم وروح لواحد كويس لأنهم بيكسلوا يركبوه والكتاوت داوظيفته فصل الموتور طول ما جهاز الانذار شغال كمان من وظائف الجهاز غلق الأبواب بالسنتر مع اول فرامل تدوسها بعد العربيه ما تدور ودا كويس لإن انتا عارف ان الحرامى ممكن يستناك عند اى مطب عالى بليل ويفتح باب العربيه وانتا بتهدى ويزغك بمطوة عشان تنزل منها دا بالنسبه لجهاز الإنذار
هقولك حاجه كمان يا عم فيه جهاز إنذار كارثه أسمه أباى تو واى ( spy two way ) الجهاز دا احدث .. فيه كل الحجات إلى قولتلك عليها بالأضافه ل ريموت كنترول يصفر ويعمل فيبراشن عند لخطر ويقولك انهو باب بيتفتح ويمكنك من ادارة العربيه ونورها وغلقها وفتحها والمفاجئه انه ممكن يعمل كل دا من على بعد خمسه كيلو متر منن العربية والمفاجئة الاكبر إن إلى اشتروة بيقولوا المسافه الفعليه 500 متر فقط . على كل حال الجهاز دا تمنه 390 جنيه وهوا ناقص الايامدى شويه
ثانيا جايب عدد أتنين قفل دركسيون موصل واحد مع الفرامل والتانى مع الدبرياج والاتنين مختلفين فى الشكل والمفتاح لكن الاتنين مفتاحهم ليزر أو كمبيوتر زى ما بيقولوا واحد عامل 115 جنيه والتانى عامل 80 جنيه وفيه طبعا ارخص لكن منصحكش غير بإلى مفتاحهم ليزر
وطبعا انتا عارف ان الاقفال دى بتتفتح بردوا لكن كل الغرض منها التعطيل
ثالثا ممكن تركب مفتاح فصل على المارش وبلاش بتاع طلمبة البنزين دا منهعا لإتلافها وانتا عارف الطلمبه فى غالبية العربيات غاليه
أنا مركبتش المفتاح دا ممكن تقدر تقول كسل وفى نفس الوقت خايف على ضفيرة العربيه
أخر حاجه هقولك عليها بعدها توكل على الله وإلى نصيبه فى شئ لازم يشوفه
غطى العربية كويس ودخل الغطاء فى العجل ووجه العربيه لبلكونتك عشان لما تطل عليها تشوف كل الابواب وربنا يستر بعد كدا لو اتسرقت بقى ابقى قلى عشان ابيع عربيتى واستفيد بتمنها احسن ما تتسرق