تجاربى مع السيارة 128 موديل 2006

[مادا]

اذكر لكم تجاربى المريرة مع الفيات 128 موديل 2006
عندما ذهبت لشرائها قال لى احد العاملين بالمعرض بلاش تجيب العربية دى وهات بفلوسها اى حاجه مستعملة احسن او عربية جديده بالقسط علشان هى متستهلش على فكرة ده كان موزع للفيات فقط وللاسف مسمعتش كلامه .
واليك مساوىء هذه السيارة
1- من اول يوم سقوط متكرر لقربة المياه على الموبينا فتتوقف السيارة ولا تدور الا بعد ربع ساعة وهذا تحدث باستمرار من اول يوم اشتريت به السياره
2- فيوز مروحه المتور دائم الفصل مما سبب ارتفاع فى درجه حرارة المتور وعندما تريد تغييرالفيوز تحس بكهرباء جامده عند مكان الفيوزات لحد ما عملت المروحه على كتاوت
3- لازم تغيير الريدادير من اول ما تجيب السيارة الريدادير بتاع السيارة حديد 2 ماسورة لالازم تجيب ردايداير نحاس 3 ماسورة لانه بيسخن السيارة جدآ فى الصيف
4- الكاوتش النسر بتاع السيارة لازم يتغير لانه كل يوم الصبح اتلاقيه العجل نائم
5- كل يوم لازم تطمن على المياة فى الردادير وكل يوم تلاقيه المياه ناقصه حاجه غريبه جدآ
6 العربية بتسخن فى الصييف لو عملت فيها ايه لو غيرت المروحه والفيوزات والردادير لكن الشخونية مكتوبه عليها
7 - عمرها ماتضبط زوايا لازم تحدف منك لا أما يمين لاما شمال مش عارف ليه
8- مش مريحه خالص فى السواقه وبعدين ضيقة جدآيعنى اللى بيجلس وراء على الكنيه بيشتكى انه مش مستريح مرهقه جدآ فى السواقه ولو سفرت بيها مره مش حتسافر بيها تانى
9- كانت كل اسبوع عند ميكانيكى يعنى طول عمرها وهى عند الميكانيكيا عمرها ما طلعت اصيله معايا خالص
10 مشكله ظهرت عندى فى حاجه اسمها وصله سربو وهى المتحكمه فى دخول الهواء الى المتور وتتحكم فى هواء الفرمله والدبرياج يعنى لو باظت مش حتعرف تمشى بالعربية كانت بتبوظ منى فى الشهر مرتين او ثلاث مرات لحد ما جبت الاصلى بتاعها
11 - قطع الغيار بتاعتها كلها مضروبه ومفيش قطعة غيار واحده بتعيش اكثر من شهر
12- عربيه مقرفة جدآ ومش بيبان عليها النظافه او مهما ظبظب فيها وغيرت فيها الجنوت وجبت اكسوارت مش بيبان فيها والعربية شكلها وحش
للاسف موديل 2006 واللى بعديه هو اللى كدا وبعدين عرفت ان الموديل ده واللى بعده اصنع من مخلفات السارة القديمه علشان كان المصنع ايقفل فقال نخلص من المخلفات اللى عندنا ونعمل بيها عربيات وده كلام واحد مهندس شغلا فى شركة النصر

[sopsop]

هههههههه ياعنى عايزه عربية تانية من الاخر

[خالدصالح]

والله كتر خيرك

استحمل معلش

[yoyo_1989]

مقلب كبير ربنا يعوض عليك