سير الكاتينة LADA 2107

[ayman_19059]

كنت عند الميكانيكى بظبط المكنة وهوة شغال قلى فى صوت من سير الكاتينة عاوزة تتشد وممكن تكون عاوزة تتغير وانا بصراحة معنديش خبرة فى الموضوع دة وهوة فعلا فى صوت كدة بسيط لمة بزود بنزين فعلا
دى لو اتشتدت تكلف كام ولو اتغيرت تتكلف كام واجبها جديدة والة استعمال ؟؟؟


برجاء الافادة

[koashraf]

بالنسبه لسير الكاتينه يتم شده أوضبطه بعد60 الف كم ، والفيصل العربيه عامله كام كم بس ماأعتقدش انه عايز تغيير..لانه غالباً يتم شده وتغيير جوان وش السلندر ويستحسن تجيب جوان فل دبل مكان القديم.........وعملية الضبط لاتتكلف اكتر من40 جنيه مصنعيه اما السير الجديد فلا أعرف سعره...

[mr_astra]

المشاركة الأصلية كتبت بواسطة koashraf وتغيير جوان وش السلندر

حضرتك تقصد جوان وش التقسيمة وليس السلندر
بالنسبة للاخ السائل موضوع الصوت اللى بيعملة الجنزير او الكاتينة مش محتاج تفك حاجة
عندك عند طلمبة المياة حاجة اسمها بلف نهايتة مسمار 17 الميكانيكى بيربط المسمار دة سنة بسيطة الصوت المفروض يمنع ولو انى متاكد ان الصوت دة مش من الكاتينة لان الكاتينة لو مرخية تعمل صوت على السلانسية ولما تزود الصوت يروح نتيجة لعزم الموتور
دور على سبب تانى للصوت دة
وزيادة فى المعلومة سير الكاتينة علية 2 شداد واحد قصير والتانى طويل لو هاتغيرهم الاتنين بـ 25 جنية واجراءات التغيير انة بيفك وش التقسيمة وبيفك الشدادين ويغيرهم ويقفل على كدة والمصنعية 20 جنية لو غير الشدادين و5 جنية لو شد السير فقط
طب انا تخيلى ان الصوت دة صوت تاكيهات مفتوحة شوف راى الميكانيكى اية

[eslammarouf]

ربنا يقويك

[ayman_19059]

المشاركة الأصلية كتبت بواسطة koashraf بالنسبه لسير الكاتينه يتم شده أوضبطه بعد60 الف كم ، والفيصل العربيه عامله كام كم بس ماأعتقدش انه عايز تغيير..لانه غالباً يتم شده وتغيير جوان وش السلندر ويستحسن تجيب جوان فل دبل مكان القديم.........وعملية الضبط لاتتكلف اكتر من40 جنيه مصنعيه اما السير الجديد فلا أعرف سعره...

مشكوووووووووور على الافادة ....