الفيرنا بتسخن بعد تشغيل التكييف

[shtaher2368]

بالأمس كنت فى طريقى للقاهرة من السويس بسيارة والدى الفيرنا وكنا رايحيين نزور مريض فى مستشفى المقاولون العرب المهم طول الطريق ماشي وفاتح التكييف ومفيش أى مشكلة وعداد الحرارة بين النقطتين أول مادخلت زحمة القاهرة وتقريبا عند أشارة سيتى أستارز وأنا واقف بضرب عينى لآقيت العداد مقرب من الأحمر قفلت التكييف العداد رجع فى ثوانى بين النقطتين والكلام كان الساعة تلاتة فى عز الظهر... بالليل وانا راجع والجو كان كويس جدا وماشى ضد الهوا والعربية ماشية كويس من غير تكييف وأول ماأفتح التكييف الحرارة تطلع فى الحال تقفلة يرجع العداد فى ثوانى مكانة ... ياتري حد قابل المشكلة دى وياتري أية حلها ...العربية موديل 2007 وعاملة 40 ألف كيلو فقط لاغير

[medoelsoni]

أنا كان عندى نفس المشكلة والحمد لله كان السبب أن العربية بتكون ناقصة شوية مية صغيرين (( وعلى فكرة مش هينفع تشوف المية أبدا والعربية دافية .... مش سخنة كمان ))) وكان الى بينقصها مية كوتشة المية الصغيرة الى فى الماتور على فكرة هى ب 25 جنية الأصلية وتركيبها سهل ومش بيبان عيبها ولا نقصان المية غعير لما العربية التكييف بيشتغل لأنها بتسرب بخار بس والله الموفق

[احمد على 1999]

برضه ممكن تكون المراوح مبتشتغلش
المفروض اول ما تشغل التكييف المراوح يشتغلوا مستمر

[dr tamer naguib]

كانت عندي نفس المشكلة في الاكسنت وطلع السبب فيوز مروحة سربنتينة التكييف كان ساح
وتسبب ان المروحه مابتشتغلش مع التكييف
افتح الكبوت وشغل الموتور و المكيف واتاكد ان المروحتين اللي ورا الريداتير و سربنتينة التكييف شغالين ولا لأ

[هيثم سامى]

انا حصل معايا نفس الكلام ده والكلام ده الى الاعضاء قالو صحيح وانا باكده ليك راجع اولا على الريداتير كويس وبالذات غطا الردياتير شوفه لو مش مظبوط غيره واتاكد ان المراوح بتشتغل وانت مشغل التكيف وانشاء الله تكون حاجه بسيطه