ثلاث عربيات E36 موديل 98 ممكن تساعدوني علشان آخد قرار

[Mo7sen Al S3dy]

أنا في الوقت الحالي معروض عليا ثلاث عربيات E36 موديل 98 وأنا لسة مشوفتهمش

الأولي صاحبها دكتور في القانون وحسيت من كلامه بالصدق ،،، العربية 316 كاملة أتوماتيك وهو تاني يد بس هو مغير المتور فقط من 1600 إلى 1800cc وطبعاً غير عداد الكيلو متر بتاع الموتور الجديد وهو عامل 122 ألف كم وقالي إن فرش السقف عايز شوية شغل والعربية مكانش عايز يبيعها بس ظروف سفره لفرنسا هي سبب البيع وهو طالب 73 ألف قابل للتفاوض .

أما الثانية فهي 318 أوريجينال كاملة أتوماتيك صاحبها جواهرجي وهو ثالث يد والعربية عاملة على حد قولة حوالي 160 ألف كم وقالي كمان إن العربية بحالة ممتازة وطالب 83 ألف قابل للتفاوض .


أما الثالثة مع تاجر بس هي 325 سيدان والحالة كويسة برضو علي كلامه وممكن تخلص على 78 ألف ،،،،،،،،،،،،، وعموماً أصحاب الثلاث عربيات عندهم إستعداد للكشف في التوكيل

مبدئياً أيهما أفضل اللي متسقط لها موتور و لا الأوريجينال ولا 325 والأسعار غالية ولا كويسة

برجاء الرد لأخذ القرار ،،،،،،،،،،،،،،،،،،،،،، شكراااااااااااااااااااااا ااااااً

[AbOnOrA]

اولا حضرتك فى اغلب الكلام بتقول بيقول وده مينفعش لازم بدايه تروح تشوف بنفسك حالة العربيه وبعدين الحالات اللى تعجبك هى اللى تفكر فيها جدياً لكن عن تجربة 99.9% من الناس بتقول على عربياتها حالتها كويسة

بالنسبة للموتور الاورينجال ممكن تكون حالتة اسواء من موتور متركب فمش شرط فى الحالتين اسمة موتور مستعمل المهم حالتة ايه
اما بالنسبة للسعة بتاعة الموتور ديه ترجعلك اذا كنت حابب اداء رياضى حقيقى انصحك تخليك فى المواتير الستة سلندر لو عايز استهلاك فى البنزين موفر وتجديد تراخيص حنين يبقى خليك فى المواتير ال 4 سلندر

عموماً انصحك تكشف عليها فى مركز خدمة متخصص او فى التوكيل

[mohamed ibiza]

الاسعار عالية ال e36 مبقتش غالية للدرجة دي ! و خد واحده ستوك مش ملعوب فيها لانك صعب تعرف اللي قبلك عمل فيها ايه فا خدها ستوك نضيفة احسن

[memo1100]

اخر واحد الى مع تاجر اية مشكلتها
انا بيتهالى انها 325 يعنى موتور اقوى
بس على حسب الحالة

[Mo7sen Al S3dy]

المشاركة الأصلية كتبت بواسطة AboNoRa اولا حضرتك فى اغلب الكلام بتقول بيقول وده مينفعش لازم بدايه تروح تشوف بنفسك حالة العربيه وبعدين الحالات اللى تعجبك هى اللى تفكر فيها جدياً لكن عن تجربة 99.9% من الناس بتقول على عربياتها حالتها كويسة بالنسبة للموتور الاورينجال ممكن تكون حالتة اسواء من موتور متركب فمش شرط فى الحالتين اسمة موتور مستعمل المهم حالتة ايه اما بالنسبة للسعة بتاعة الموتور ديه ترجعلك اذا كنت حابب اداء رياضى حقيقى انصحك تخليك فى المواتير الستة سلندر لو عايز استهلاك فى البنزين موفر وتجديد تراخيص حنين يبقى خليك فى المواتير ال 4 سلندر عموماً انصحك تكشف عليها فى مركز خدمة متخصص او فى التوكيل

يا سيدي الفاضل المشكلة إن فيه بعض الناس يقول خد عربية متلعبش فيها بيقى فيها مشاكل ،،،، وبعدين اللي أعرفه إن في بعض الناس بيسقطو مواتير عادي جداً فلو الموضوع عادي أكشف علي 316 ____ 1800cc && وعلى 318 الأوريجينال وأبتدي أقارن بينهم ،،،،،،

السؤال الأهم دلوقتي هل في مشاكل من موضوع تسقيط الموتور ولا لأ علشان مش كل شوية هدفع فلوس للكشف ،،،،،،

وبعدين على فكرة التوكيل دلوقتي مبيقبلش يكشف على الـــ E36 عايز أعرف أفضل مكان أكشف فيه بالنسبة لمدينة نصر

ياريت ياجماعة تدوني النصيحة من خلال التجارب العملية لو سمحتم ،،،،،،،،،،،،، شكراً