تحذييير من محطات التعاون والبنزين المغشوش

[Mo7amed Elnimr]

يوم الخميس اللى فات كنت طالع من اسكندرية ورايح على مطروح وكان معايا نص التانك وصلت لحد رأس الحكمة محطة التعاون ودخلت حطيت ب 50 جنية 90
ومشيت عادى لحد ما وصلت مطروح حسيت سحب العربية ضايع والصوت عالى وكركرة مفيش بعد كدة قلت يبقى البنزين مغشوش ب 80 وكبرت دماغى
المهم عملت حوالى 200كم ودخلت محطة تعاون برضو داخل مطروح وفولت 90 انا عامتا بحب ريحة البنزين جدا جدا وكل ما امون لازم اشم المهم شميت ريحة جازمش بنزين قلت يمكن ريحة جاية من الميكروباص اللى بيمون جانبى ومشيت عادى
وبعدها كركرة رهيبة والعربية تقيلة جدا وانا نازل الصبح شغلت العربية لاقيتها زى ما تكون متلتة وبتترعش وتخبت روحت اشتريت فلتر بنزين جديد بعد لما فكيت الفلتر وشميت ريحة الجاااز الظاهرة جدا فضيت محتويات الفلترالقديم فى ازازة وهو عبارة عن سائل اسود وريحة سولار رهيبة
وكل دة بكذب نفسى واقول مش معقول لدرجة انى ماسك الازازة واللى يعدى من جنبى اخلية يشم واقوله ريحة اية طبعا فى اجماع انو جاز
دلوقت بقى اعمل اية اروح اولع فى المحطة ولا المشكلة مش منهم من المصدر ولا اية بالضبط ( بس اللى محيرنى ازاى العربية فضلت ماشية الفترة دى بالجاز

[محمد فيصل]

الحمد لله على عودتك سالماً
الموجود مش جاز صافى
البنزين كان مغشوش بجاز
او مثل اى محطة حكومية لم يتم عمل اى صيانة للتنكات الارضية من مدة طويلة

ربنا يعوض عليك
المهم غير الفلتر واغسل التنك وفول عربيتك من محطة تثق فيها
نظف البوابة بالاسبراى الخاص
نظف الرشاشات بأضافة منظف رشاشات مع البنزين
غير البوجيهات او اكشف عليهم على الاقل

[abdo_2828]

الحمد لله ان ربنا ستر ومعملتهاش معاك فى الطريق وروح اشتكيهم فى جهاز حماية المستهلك عشان العربيه كان ممكن يحصل لها حاجه لا قدر الله

[lost2008]

متسكتش على حقك سواء ده سوء صيانة او غش يبقى ﻻزم يتحاسبو, اعملهم محضر رسمى و لو ينفع تكلم حماية المستهلك يمكن يكون ليهم تاثير, منها تاخد حقك و منها ثواب .

[غريبو99]

[SIZE="5"]
بعد التحية
لو سمحت روح المحطة ووريلة الزجاجة ولازم تاخد حقك يينظفلك التنك وخط البنزين ويجبلك فلتر جديد كل دة على حسابة ومتسبش حقك خالص حتى لو هتتخانق معاة والله دة حرامى ومهندوش ضمير ولا دم وعلى فكرة انا هنا فى الأسماعيلية بخاف امشى من الشارع اللى فية محطة تعاون مش ادخل وامون احنا هنا فى محططين تعاون ممونتش منهم نهائى نهائى لأنى جربت نفس تجربتك فى سيارة سكودا والكلام اللى حصلك حصلى فى اول ايام عيد الأضحى من سنتين وبوظ علية العيد كلة.

متسبش حقك وخليك ايجابى[/SIZE]