البهائيه00 ضلال وافتراء على الله

[د0تامر محمد]

ينتشر البهائيون فى مختلف انحاء العالم تقريبا فى معظم الدول ويتحد ثون كل اللغات وهم يؤمنون بكل الرسالات السابقه-كما يدعون- ويعدون دينهم كدين مستقل عن كل الاديان السماويه وغير السماويه ويؤمنون بان الله واحد لا شريك له ولهم كتب يدعون انها منزله(الواح البهاء)
بدأ التاريخ البهائى باعلان الدعوه البابيه فى مايو1844 بان اعلن تاجر شاب اسمه سيد على محمد (1819-1850)اطلق على نفسه حضره الباب انه صاحب دعوه الهيه ورساله طال الوعد بهاوقدر لهاان تحول الحياه الروحيه للجنس البشرى وتحييها وقام بعمل كتاب اسماه البيان
قال الباب:
"يا اهل الارض اسمعوا نداء الله00لقد جاءكم النور من الله بكتاب هذا على الحق بالحق مبينا لتهدوا الى سبل السلام"
لاحظ الاقتباس من القرآن والاجتراء على بادعاء النبوه ثم نسب كلمات مرسله الى رب العالمين؟
ويقول البهائيون بان هذا الرجل هو من بشر بنبيهم البهاء فمن هو البهاء؟
كما يدعى البهائيون انه الرسول الثانى ويدعى ميزرا حسينعلى النورى الملقب ببهاء الله الذى ولد لاسره ثريه تعيش فى رغد ولكنه كان عطفوا على الفقراء والمساكين(يا سلام)
ويقولون كان الظهور الوشيك لرسول ثان يبعثه الله(حاشا لله)يكون اعظم شأنا من حضره الباب نفسه ويحمل رساله جديده(ألواح الباب)لبدء عهد من السلام0
هذا البهاء(1817-1892)الفارسى المدعى للنبوه فى 1863 لاحظ ان عمره وقتها كان خمسه واربعين عاما!!قال:انا الموعود المنتظر 00وقال:قل انى المذكور انا بلسان الاشعيا وزين باسمى التوراه والانجيل"
لاحظ انه لم يذكر القرآن
وقال:"ان قلم القدوس قد كتب على جبينى الابيض بنور مبين ان يا ملأ الارض وسكان السماء هذا لهو محبوبكم بالحق وهو الذى ما رأت عين الابداع شبهه والذى بجماله قرت عين الله الامر المقتدر العزيز"
ولماذا لم يقل المقتدر العزيز الجبار بالمره ولا حول ولا قوه الا بالله
والادهى انه يقول ايضا"00 اقمتنى بقدرتك بين عبادك وامرتنى باظهار سلطتنك بين بريتك0قمت بحولك وقوتك بين خلقك وناديت الكل الى نفسك وبشرت كل العباد بالطافك ومواهبك ودعوتهم الى هذا البحر الذى كل قطره منه تنادى باعلى النداء بين الارض والسماء بانه محى العالمين ومبعث العالمين ومعبود العالمين ومحبوب العارفين ومقصود المقربين"
هل رأيتم انشاء احلى من هذا او تواضع اكبر من هذا؟
ويقول البهائيون ان صاحبنا الباب الذى من المفروض انه النبى _استغفر الله_ناشد اتباعه ليكونوا يقظين حتى اذا ظهر الموعود-الذى هو المفروض بهاء الله-بادروا الى اعلان الايمان به وحث اتباعه على ان يشاهدوا الامور باعين أفئدتهم منزهين انفسهم عن كل وهم0
وهل يوجد وهم بعد هذا الوهم؟
الغريب اننا تابعنا على الشاشات هؤلاء يطالبون فى مصر ان يكتب فى بطاقته فى خانه الديانه بهائى ونعرف ان الدوله رفضت وقاموا برفع قضيه ولم تحكم لهم المحكمه00 ويدعون من غير مناسبه انهم مضطهدون على لسان زعيمتهم استاذة الجامعه المحترمه المضطهده وحسبنا الله ونعم الوكيل

[sh_masry]

انا فوجئت بوجود ما يسمى مجازا بالديانه البهائيه دى على كبر ,,, كان عندى تقريبا 28 سنه و كنت فى عزاء جمعنا فيه انا و بعض الناس و لاحظت واحد من اصدقائى يصلى و هو واقف و عندما سألته قال لى بعدين افهمك ,,,,, و من ثم قعدت وراه علشان حسيت ان الموضوع فيه حاجه مش مضبوطه و بالذات انه كان ممكن يقولى تعبان مثلا فعلشان كده بصلى و انا واقف ...... المهم بعد زن منى قالى اصل انا بهائى و احنا صلاتنا كده !!!! طبعا مافهمتش و قعدت معاه علشان افهم البهائى ده عباره عن ايه و جاى منين و برده مافهمتش بس اللى مزعلنى فى الموضوع ده ان صاحبى ده كان طيب و كنت بحبه قوى و الغريب انى عمرى ما عرفت حاجه زى كده الا بالصدفه و اخيرا الأيام بعدت بينا

[د./أليشع ثابت]

شكرا د./ تامر على المعلومة الممتازة

الغريب فعلا انهم كانوا بينادو بأثبات ديانتهم البهائية هذة فى البطاقة الشخصية

و حمدأ لله طبعأ لم يتم الموضوعلهم

لأنى سمعت انهم كانوا رافين دعوة قضائية لهذا و الحمد لله تم رفضها من الدستوريا العليا

[humhum]

مع احترامي الكامل لمشاركات الدكتور القيمه
بس انا ضد الهجوم على البهائيه او السيخ او الهندوس او او الخ

وبالعكس
انا مع توضيح انهم بهائيين في البطاقة الشخصيه
لأن اسماؤهم زي اسماء المسلمين
ووارد جدا جدا واحد بهائي يتقدم لبنتي وبنتك وساعتها ولا ح تعرف !!!

الاعتراف بوجود البهائيين ليس معناه اننا نؤمن بما يقولون
والإسلام تحديداً اعترف بالمسيحية واليهوديه في كتاب الله ، ورغم ذلك أوضح " ومن يبتغ غير الاسلام ديناً فلن يقبل منه "
يعني مسأله اننا نكون عارفينهم ، أو انهم يعلنوا عن نفسهم ، من وجهة نظري افضل
ماهي الحكومه بتقول ع الإخوان جماعه محظوره
بذمتك مش حاجه تضحك ان جماعه " محظوره " واخده 88 كرسي في البرلمان ؟؟؟؟؟

انكارنا لوجود البهائيين في مصر مش ح ينفي وجودهم
بالعكس
ح يشجع فئة المراهقين الباحثة دائما عن كل ما هو جديد للبحث عنهم

وصدقني
النور دايماً احسن من الضلمه ، والاعتراف بالآخر بيدي فرصه للحوار اللي ممكن يخلي الآخر ده يرجع
إنما تجاهل وجود الآخر بيخلق نوع من العناد عند الطرفين
والأهم من كده
هم كام اصلا في مصر ؟؟؟؟
عددهم لا يتجاوز 200 بني ادم ، قول 1000 يا عم
يعني من الآخر عمارتين

ولا يستاهلوا اصلا اننا نعمل الضجه دي عليهم

يا ريت الملحد يتكتب في بطاقته انه ملحد
عشان ميورثش المسلم ولا يتجوز بنته ولا نصلي عليه
يا ريت المظهر = الجوهر
بدل ما احنا من بره غير من جوه

وتقبل تحياتي يا دكتور

[islam_galal]

رأي العضو humhum جدير بالاحترام فعلا بس لو حجوز بنتي و اكتشف انه بهائي يبقي انا اكيد انسان غير مسئول و برضه اني أغير القانون عشان ألف فرض حتبقي مشكلة لان المسميات حتكتر أوي و حيبقي فيه البهائية و العلائية و الجمالية و العباسية

فعلا النور أحسن من الضلمة بس لما يكون الموضوع يستاهل ، ممكن نطبق الكلام ده علي المحظورة لانها عددها كبير فعلا انما البهائية قلة لا تستحق الاهتمام