كيفية الكشف على فتيس سيفيا 99اوتوماتيك من الحرفيين

[somaa259]

الرجاء الأفادة فى كيفية الكشف على فتيس سيفيا 99اوتوماتيك بعد شرائه من الحرفيين و تركيبة هل اكتفى بالتجربة فقط ام اضع السيارة على جهاز كشف الأعطال أم اضعها على كمبيوتر فى البنزينة للكشف على حالة الفتيس أرجو الرد حيث أننى بصدد شراء فتيس بعد غد الخميس إن شاء الله.

و شكرا جزيلا لكل من يقوم بالرد

[حسام البورسعيدى]

انا اقول لحضرتك ...

يفضل انك تدور على الفتيس اللى راكب على مكنه وتحاول تبعد عن الفتيس اللى من على الارض .. وده علشان تبقى ضامن انك اول واحد تشتريه وان محدش اشتراه ورجعه .. وكمان لان حاله المكنه هتدل على حاله الفتيس ...

لما تلاقى فتيس سعره كويس وراكب على مكنه وكله تمام .. تخلى الميكانيكى اللى معاه يحله من على المكنه .. ولما يحله خليه يطلع القربه وحاول تشوف بقايا الزيت اللى فى الفتيس .. اذا كان الزيت احمر ونضيف وريحته مش محروق .. دى علامه كويسه على ان الفتيس حالته سليمه ...

المنظر العام للفتيس وحاله زيته دول المؤشرات المبدئية على حاله الفتيس ..

لكن لازم الفتيس يبقى على تجربه فى حدود 3 ايام ..

لما تركب باذن الله .. اتاكد من الحاجات دى ..

- حط زيت موبيل ATF .. الفتيس بياخد حوالى 3.5 لتر .. يعنى هتجيب 4 علب الواحده بحوالى 25 - 28 جنية حسب اللى بيبيع ..

- لو الفتيس بتاعك ليه فلتر يستحسن تغيره مع التركيب علشان تبقى على نضافه .. وسعره بيكون فى حدود 70 - 80 جنية .....



- اتاكد ان الفتيس بيعشق كل الغيارات بسلاسه وبسرعه ..

- اتاكد من استجابه الفتيس اثناء الطلعة ..

- اجرى بالعربية و اعمل كيك داون وشوف استجابه الفتيس سليمه وبيسقط غيارات تمام ولا لأ ..

- اعمل مشوار طويل بالفتيس الظهر .. علشان تختبر اداء الفتيس فى الحر وتتاكد انه تمام ..


لو كل الحاجات دى تمام يبقى الف مبروك عليك الفتيس ...

[somaa259]

شكرا جزيلا يا حسام على المعلومات المفيدة ويارب الاقى فتيس كويس شكرا