الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر

[AbOnOrA]

نادراً ما يتفق الجميع على اى شىء سواء كان فكرة او مبداء او حتى سيارة


لذا فلكل اتجاة اتجاه معاكس

اسمحولى ان افتح الحوار امام جميع الاتجاهات مع وضد بمنتهى الموضوعية والصراحة حول

شيرى وسبيرانزا



خلينا مبدئياً نحط المعلومات الاساسية والحقائق الثابتة عن العربية لحد ما كل فريق يجهز اسئلتة ومواضيعة اللى عايز يطرحها

تقارير مبيعات شيرى (فى الصين ودولياً)








موقع الشركة الرسمى

http://www.cheryglobal.com/index.aspx

رابط الشركة بالموسوعة العالمية WIKI

http://en.wikipedia.org/wiki/Chery_Automobile

[islam_galal]

معلوماتي و قناعاتي:

- شيري مصنع صيني للسيارات حديث إذا قورن بأي شركة سيارات أخري عريقة.
- سياسات البداية تعتمد علي اختراق الاسواق بأي طريقه للتواجد فقط و كان الوكيل في مصر بداية أكثر من سيئة.
- بدأ إختراق السوق المصري بمنافسة سعرية دون الاهتمام بالجودة.
- دخل مصر مرة أخري بواسطة و كيل محترم بإسم آخر (سبيرانزا) و بذلك أصبحت شركة شيري لها عدد 2 وكيل معتمد في مصر !!!!
- الوكيلين أحدهم مستورد و الآخر مصنع تجميع.
- الوكيل المستورد سئ جدا.
- الوكيل المصنع منافس قوي في السوق المصري.
- البداية كانت واعدة لاسم سبيرانزا و بعدعدة مطبات تعرضت لهجوم شرس من الجمهور نتيجة التباين الشديد في مستويات الجودة.
- نتيجة لذلك لم يستطع الوكيل المصنع (أبو الفتوح) في تحقيق نجاحه السابق مع دايو و ذلك لضعف مصدر الوكالة.
- التطور عالميا في شركة شيري طموح و سريع ، لو كنت مغامر اشتري سبيرانزا وانت و حظك و لو كانت حياتك عملية و لا وقن للمغامرات فإياك و الصيني.
- مستقبلا أتوقع نجاح مستمر و اقتطاع شريحة قوية من السوق المصري ، في البداية توقعت خمس سنوات لاكتساب الثقة و الآن ممكن نمدهم لسبع سنوات (مر منهم ثلاثة)

هذه رأيي بأمانة و بدون تحيز أو مصلحة و الله أعلي و أعلم

[د.محمود صلاح]

العربيات بالذات لازم تكون ماركة عريقة حتى لو تجميع محلى وفعلا لاداعى للمخاطرة ,

[فادى]

أسهل حاجة انك تبيع عربية فى مصر!
يكفى أن يكون شكلها انسيابيا (المصريون لا يحبون الأشكال الرصينة), و أن تصاحبها حملة اعلانية قوية, و أن تؤكد هذه الحملة مرارا و تكرارا أن السيارة كلها "اوبشنز", طبعا لا يهم اذا ماكانت هذه الأوبشنز كلها زوائد و كماليات تافهة من عينة الدى فى دى, و السى دى, و الايه بى سى و اى هبل, محشوة فى سيارة محركها ينتمى لعصور بائدة, و من مخلفات الحرب العالمية الأولى, و غالبا مسروق من سيارات أخرى و معاد تصنيعه بواسطة خراطين تحت السلم فى الصين!
و طبعا يجب أن تكون هذه السيارة من احدى البلدان الأسيوية, لأن المصريون يعتقدون أن هذه الكائنات القصيرة الصفراء قادرة على صنع الأعاجيب, فهم ينتمون الى عالم الجن أو هم كائنات فضائية (طبعا كل واحد بحسب ثقافته, واحد معلم فى وكالة هيقول دول من الجن, و واحد متخرج من الجامعة الأمريكية هيقول دول Alliens!).
أنا اسف على السخرية, بس الموضوع بقى مقرف, الواحد صعبان عليه بلده تبقى مرتع للسلع الأسيوية معدومة الجودة, فهذه السيارة لا تستحق حتى أن نبذل جهدا فى محاولة تقييم أدائها أو أن نتعب أنفسنا فى الحديث عنها.

[GEHAD79]

كلام حضراتكم صح و مضبوط و انا واحد من الناس اللي اتكوى من نار الصيني، منتجات كتير صيني اشتراتها و شوية و رميتها و الحمد لله.
انا الحمد لله عندي خبرة مش بطاله في معرفة الخامات و تقييمها (البلاستيك و الفايبر و القماش) من واقع عملي و دراستي بالكلية.
اقدر اقول لحضرتك اني لما كنت بدور على سيارة زيرو سعرها معقول لقيت السيارات الصيني شدتني اوي تصميماتها و احجامها
بس لما دخلت العربيات ده و شوفت الخاملت اللي مصنوعه منها لقيتها رديئة بشكل ملحوظ، يعني خامات التابلوه و الفرش و غيره.
طبعاً مع الشمس و الحراره و المطبات المنتشره في كل شوارعنا يبقى علي الدنيا السلام و شوية و هتلاقي نفسك قاعد على الشاسيه
اللي اكيد هيكون مصنوع من ماده غير الحديد بردوا.
و ربنا يحفظ الجميع.