|
#1
21-08-2011, 12:00 AM
|
|||
|
|||
ممكن افاده سريعه
اشتريت سياره لانوس 2004 السياره هى طبعا انجشن ولا فيه كربراتير ولا اسبراتير يعنى كل الى درسناه زمان مش موجود ممكن فكره سريعه عن السياره وطريقه الصيانه السريعه او اكتشاف بعض الاعطال لانى صراحه بفتح المتور بتوه ايه الحساسات دى وبتاعته ايه وشكرررررررا
|
|
#2
21-08-2011, 01:49 PM
|
||||
|
||||
رد: ممكن افاده سريعه
هى انجيكشن
و طبعا مختلفة عن عربيات زمان علشان متتلخبطتش الفكرة واحدة فى محركات الاحتراق الداخلى المكبسية يعنى كل حاجة فى العربية القديمة تم استبدالها بحساسات و كونترول بياخد البيانات من الحساسات و بيتحكم فى الأتى توقيت فتح الراشاشات و طول مدة الفتحة علشان كمية البنزين توقيت الشرارة للبوجيهات صمام الايدل ( السلانسيه ) سولونويد صمام البيئة ال EGR صمام علبة الفحم الكاركولكانيستر المراوح دول الحاجات الاساسية الى من خلالهم الكنترول حيقدر يحقق جميع ادائات العربية طيب علشان الكنترول ياخد قراره صح بيعتمد على حساسات اساسية حساس وضع البوابة TPS و ده زمان كنت تدوس بنزين تفتح فى الكاربراتير حاجة تخليه يبخ زيادة حسب الدوسة بال ال TPS وده من شرحه واضح ان مكانه على اكس البوابة من الناحية التانية لبكرة واير البنزين و ببساطة عبارة عن مقاومة متغيرة بتستجيب لزاوية الاكس فتزيد الفولتية او المقاومة و الكنترول يتعامل مع الاشارة و يترجمها لزازية فتح البوابة و يعرف مقدار دوسة البنزين و بنائا على كده + حاجات تانية طبعا حياخد قرار زمن الفتح و مدة الفتح للرشاشات حساس الكرنك و ده ضرورى علشان الكنترول يعرف وضع البساتم و الصمامات يعنى زى الاسبراتير زمان كان ميكانيكيا متصل بالكرنك من خلال ترس دلوقتى بقى الحساس ده عبارة عن لاقط مغناطيسى محطوط على مسافة ملى تقريبا من سنان ترس الكرنك الى عليه سنان كتير بس واحدة منهم عريضة فلما بتيجى العريضة قصاد الحساس بيتولد فيه قوة دافعة مغناطيسية كبيرة فالكنترول يحدد الوضع و ياخد قرار تقديم و تأخير الشرارة و الرشاشات + من حاجات تانية برضه بس ده الاساس و مكانه اسفل الماتور قرب ترس الكرنك تشوفه على شمالك تحت ورا و انت باصص من ادام حساس ضغط هواء المانيفولد المطلق MAP و ده زمان كان زى رق ( ديافجرام ) و بيستجيب للهبوط فى قيمة الضغط الى داخل البوابة و ماشى فى زور الهواء و بيدى اشارة للكنترول و بيقدر يحدد الحمل على الماتور من خلال الزيادة فى انخفاض الضغط و كمان فى بدء الادارة بيقدر يحدد ارتفاع العربية عن سطح البحر و ده مكانة فى سدر حوض الماتور كانه مستطيل اسود واصل لزور الهواء بخرطوم رفيع و لو عايزنى اكمل حكمل
__________________
سبحانك لا علم لنا الا ما علمتنا
|
|
#3
21-08-2011, 05:49 PM
|
|||
|
|||
رد: ممكن افاده سريعه
والله ياأستاذ احمد كلامك جميل ومفيد وننتظر منك المزيد
وهو الحساسات دى تعملها صيانه ازاى
|
|
#4
21-08-2011, 08:15 PM
|
||||
|
||||
|
رد: ممكن افاده سريعه
الحساسات ملهاش صيانة بس فى حاجات تتبع علشان تحافظ عليها
فى كمان حساس الاوكسوجين و ده مكانه فى فرن الشاكمان و مبيتديش يحس و يشتغل الا لما يسخن كويس و بعدين يبتدى يحس بنسبة الاوكسوجين الغير محروق بالعادم و يرسل البيان للكنترول علشان يظبط نسبة البنزين للهواء للوصول الى النسبة المثالية الى هى واحد جزىء بنزين مقابل 14 فاصل 7 من عشرة جزىء هواء فقبل ما يشتغل بيبقى الكنترول فى وضع OPEN LOOP يعنى معتمد على منحنى توقيت و بخ بنزين سابق الاعداد و مسجل و لما حساس الاكسوجين يسخن و يبتدى يدى الكنترول ساعتها بينتقل لوضع CLOSED LOOP بمعنى ان الكنترول بيسيب الاعداد المسبق التجهيز و بيعتمد على الحساس لو عايزنى اكمل ماشى بالنسبة للحفاظ على حساس الاكسوجين ابعد عن بنزين 80 و للحفاظ على حساس الكرنك مترزعش العربية فى مطب يكسره لانه تحت و للحفاظ على حساس ال TPS متجيش جنبه و البقية تاتى
__________________
سبحانك لا علم لنا الا ما علمتنا
|
 |
|
|
