عندى مشكلتين واحتار فيهم كل الصنايعية

[weels]

انت عارف الافلام العربى لما يروح البطل للدكتور ويقوله انت مش هتعيش اكتر من 6 شهور ولازم تعمل عملية فى انجلترا والحاجات دى , اهو ده الى بيحص معايا فى عربيتى مشكلتين ماحدش عارف يحلهم وانا حاسس انه هتطلع فى الاخر حاجه هبله المهم نروح للمشاكل :

المشكله الاولى : مع تشغيل التكييف وبعد تقريبا 30 دقيقة امبير الحرارة بيطلع بسرعه جدا الى النهاية وبعدين اكتشف ان المياه فى الرادياتير نشفت خالص خالص ازود مياه وامشى تانى على التكييف تحصل لكن من غير تكييف مافيش اثر للمشكله دى اطلاقا , وللعلم المراوح شغالة كويس جدا مع التكييف وبانتظام تام ومافيش تسريب فى الرادياتير , ممكن حد يقولى اى احتمالات لسبب المشكلة دى واقولكم الناس قالتلى ايه , واحد قالى المياه بتهرب على السخن بتاع التكييف لازم تلغى السخن بتاع التكييف وتعمله طبه عشان المياه ماتروح عليه , التانى قالى : عشان الموتور خفيف وفعلا الموتور عندى خفيف شويه بس هو عارف مش اكتشف ده لوحده , والتالت قالى ترموستات الحرارة , والربع قالى غير المرواح كلها , ومش عارف اعمل ايه حد يساعدنى قبل ماغير العربية كلها .

المشكلة الثانيه : اول لما العربية تدور بتحصل رجه جامدة واهتزاز جاامد فى جسم العربية وبمجرد المشى بتروح المشكلة دى والغريب انها مش بتحصل على كل يوم لكن ايام ايام , وطبعا غيرت البوجيهات ونضفت الرشاشات وغيرت طرمبة البنزين كمان لكن ظهرت برضه المشكله ظهرت , وطبعا حد قالى انه كابل الارضى وحد قالى البوجيهات , ساعدونى انا خلاص هاتجنن من الصانيعية .
اسف للاطالة , وجزاكم الله خيرا

[عصام حميد]

اسال السمكرى شوف هايقولك ايه

[memodina1]

المشاركة الأصلية كتبت بواسطة weels المشكلة الثانيه : اول لما العربية تدور بتحصل رجه جامدة واهتزاز جاامد فى جسم العربية وبمجرد المشى بتروح المشكلة دى والغريب انها مش بتحصل على كل يوم لكن ايام ايام , وطبعا غيرت البوجيهات ونضفت الرشاشات وغيرت طرمبة البنزين كمان لكن ظهرت برضه المشكله ظهرت , وطبعا حد قالى انه كابل الارضى وحد قالى البوجيهات , ساعدونى انا خلاص هاتجنن من الصانيعية . اسف للاطالة , وجزاكم الله خيرا

والله نفس المشكلة بتواجهنى لما العربية تبرد اجى ادور الصبح بلاقى اهتزاز ورجة جامدة فى الماتور والشكمان وممكن تفصل كمان العربية منى بس بديها شوية بنزين قليل وطبعا مش بتهدى دى بترج اكتر بس مرة مرتين والعربية تهدى فجاة ولا كانى فى اى حاجة وامشى بيها طول اليوم مفيش اى مشكلة ولا اهتزار ولا اى حاجة الحمد لله انما اجى اركن واصحى اروح الشغل نفس المشكلة انا هتجنن والله بنام حزين على العربية عشان مش عارف لها حل وكل ما اروح لميكانيكى يقولى ورينى اقولة يا عم دى الصبح او العربية لما تبرد خالص يبصلى من فوق لتحت ويقولى انت موهوم يا بية العربية سليمة ويسبنى ويمشى بالله عليك لو لقيت حل للموضوع دا اكتبة ارجوك استفاد برضة منك لانى كنت ناوى اغير بوجيهات وطرمبة قلت ممكن السبب لكن بكلامك دا ربنا يستر فيرنا 2007 50000كيلو

[كيا سيفيا]

, واحد قالى المياه بتهرب على السخن بتاع التكييف لازم تلغى السخن بتاع التكييف وتعمله طبه عشان المياه ماتروح عليه , ]

كلام سليم 100/100 جصل معايا ولغيت السحن بان عملت له طبه وانتهت المشكله تماما

[كيا سيفيا]

[QUOTE=weels;496154]انت عارف الافلام العربى لما يروح البطل للدكتور ويقوله انت مش هتعيش اكتر من 6 شهور ولازم تعمل عملية فى انجلترا والحاجات دى , اهو ده الى بيحص معايا فى عربيتى مشكلتين ماحدش عارف يحلهم وانا حاسس انه هتطلع فى الاخر حاجه هبله المهم نروح للمشاكل :

المشكله الاولى : مع تشغيل التكييف وبعد تقريبا 30 دقيقة امبير الحرارة بيطلع بسرعه جدا الى النهاية وبعدين اكتشف ان المياه فى الرادياتير نشفت خالص خالص ازود مياه وامشى تانى على التكييف تحصل لكن من غير تكييف مافيش اثر للمشكله دى اطلاقا , وللعلم المراوح شغالة كويس جدا مع التكييف وبانتظام تام ومافيش تسريب فى الرادياتير , ممكن حد يقولى اى احتمالات لسبب المشكلة دى واقولكم الناس قالتلى ايه , واحد قالى المياه بتهرب على السخن بتاع التكييف لازم تلغى السخن بتاع التكييف وتعمله طبه عشان المياه ماتروح عليه , التانى قالى : عشان الموتور خفيف وفعلا الموتور عندى خفيف شويه بس هو عارف مش اكتشف ده لوحده , والتالت قالى ترموستات الحرارة , والربع قالى غير المرواح كلها , ومش عارف اعمل ايه حد يساعدنى قبل ماغير العربية كلها .

كلام سليم 100/100 حصلت معايا ولغيت السخن بأن عملت له طبه وانتهت المشكله تماما